स्तंभारोपणाने श्री बालाजी ब्रह्मोत्सवाला सुरुवात….

पारोळा प्रतिनिधी – ( प्रकाश पाटील )

पारोळा – येथील आराध्य दैवत प्रति तिरुपती श्री बालाजी महाराजांच्या ब्रह्मोत्सवाला आज दिनांक २३ रोजी सकाळी सहा वाजता मंडप स्तंभारोपणाने सुरुवात झाली.’श्री बालाजी महाराज की जय’ असे घोषणा देत संस्थांचे अध्यक्ष श्रीकांत शिंपी यांच्या हस्ते सकाळी ६ वाजता मंदिराचे पुजारी संजय शास्त्री पाठक यांनी पारंपारिक पद्धतीने विधिवत पूजा केली. ब्रह्मोत्सवाला सुरूवात झाली असून पुढील पंधरा दिवस हा उत्सव साजरा करण्यात येणार आहे.उत्सवादरम्यान श्री बालाजी महाराजांचे वेगवेगळ्या प्रकारच्या वहनांचे आयोजन करून शहरातील विविध भागातून फिरविले जात असते.

याप्रसंगी संस्थानचे विश्वस्त केशव क्षत्रिय,रावसाहेब भोसले,प्रकाश शिंपी,प्रमोद शिरोळे, दिनेश गुजराथी, संजय कासार, नगरसेवक रोहन मोरे, अँड. दत्ताजी महाजन,चंद्रकांत शिंपी, संदीप धमके,अशोक लालवाणी यांच्यासह मंदिराचे चोपदार जयराम चौधरी,भगवान चौधरी, संजय शिंपी, राजेंद्र गवांदे, यशवंत पाटील, सुरेश पाटील,दीपक पाटील,शालिक लोहार,अरुण लोहार,अमोल भावसार,मन्साराम चौधरी यासह बहुसंख्य भाविक भक्त उपस्थित होते.