रावेरच्या तुषार मानकर यांना उत्कृष्ट छायाचित्रकार पुरस्कार.

रावेर तालुका प्रतिनिधी:- ( प्रदीप महाराज )

जळगाव जिल्ह्यातील सातपुडा पर्वत रांगेतील निसर्गरम्य भवानी माता मंदिर चारठाणा येथे छायाचित्रकार सोहळा मैत्रीचा व पुरस्कार सोहळा संपन्न झाला.
सोहळ्याच्या सुरुवातीला कॅमेरा पूजन करून महाराष्ट्रभरातून आलेल्या सर्व ज्येष्ठ श्रेष्ट फोटोग्राफर यांचे स्वागत करण्यात आले या सोहळ्यादरम्यान जळगाव जिल्ह्यातील छायाचित्र व्यवसाय करत असताना सामाजिक बांधिलकी व उत्कृष्ट छायाचित्रकारांना पुरस्कार दिले. यात रावेर येथील तुषार एकनाथ मानकर यांनी जळगाव – अमरावती हा जिल्ह्यातील प्रशासकीय इमारतीमध्ये या जिल्ह्यांमधील पर्यटन स्थळांचे टिपलेले छायाचित्रे प्रदर्शित करण्यात आले आहे तसेच जळगाव जिल्ह्यातील जिल्हाधिकारी कार्यालयातील कॉफी बुक टेबल या बुक मध्ये सुद्धा त्यांची छायाचित्रे प्रदर्शित आहे म्हणून रावेर तुषार एकनाथ मानकर यांना पुणे येथील छायाचित्रकार सचिन भोर यांच्या हस्ते उत्कृष्ट छायाचित्रकार पुरस्कार प्रदान करण्यात आला.
ह्या मैत्री सोहळा जळगाव व बुलढाणा जिल्ह्यातील काही मित्र एकत्र येऊन आयोजन करतात यात मुक्ताईनगर चे विनोद चौधरी मनोज पाटील अनिल पाटील संदीप धामोडे मलकापूरचे योगेश शर्मा संजय खर्चे रावेर येथील रवींद्र महाजन सुनील महाजन सह अन्य दिगंबर जाधव बुलढाणा अभिनव नाईक पप्पू नारखेडे किरण पाटील हे करत असतात.
या सोहळ्या ला नागपूर मुंबई पुणे नाशिक बीड नादेड सह महाराष्ट्रभरातून जवळपास दोन हजारांहून अधिक छायाचित्रकारांची उपस्थिती होती.

__________________________________________________________________________________________________________________________________________________________________

दैनिक “महाराष्ट्र सारथी”
जळगाव जिल्ह्यातील प्रत्येक बातमी आता आपल्या स्मार्टफोनवर !

आपण रावेर तालुक्यातील बातमी 7887987888 या व्हाट्सअप क्रमांकावर पाठवू शकता.

आपला विश्वासू
प्रदीप महाराज
रावेर तालुका प्रतिनिधी
दैनिक “महाराष्ट्र सारथी”
mob.-7887987888