पारोळा तालुक्यात दोन वेगवेगळ्या अपघातात तीन जण जखमी..

पारोळा प्रतिनिधी –

तालुक्यात दोन वेगवेगळ्या ठिकाणी झालेल्या अपघातात तीन जण जखमी झाल्याची घटना घडली.

पारोळा तालुक्यातील म्हसवे फाट्याजवळ मंगळवारी रात्री साडेअकराच्या सुमारास मोटर सायकल स्लिप झाल्याने भडगाव येथील किशोर आप्पाराव पाटील यांना पायाला जबर दुखापत होऊन गंभीर जखमी झाले.
तसेच बुधवारी रात्री आठचा सुमारास पारोळाकडून रत्नापिंप्रीकडे जाणाऱ्या मोटर सायकलीस अज्ञात पिकअप ने धडक दिल्याने त्यात विनोद सुरेश सोनवणे वय २८ व सोनल कैलास लांडगे वय ३० दोघेही राहणार रत्नापिंप्री (ता.पारोळा) हे जखमी झाले.जखमींना जगद्गुरु नरेंद्राचार्य महाराज संस्थानाची विनामूल्य रुग्णवाहिका चालक आशुतोष शेलार यांनी तात्काळ पारोळा कुटीर रुग्णालयात दाखल केले तेथे जखमींवर वैद्यकिय अधिकारी जिनेंद्र पाटील व कर्मचारी यांनी उपचार केला. याबाबत पोलिसात उशिरापर्यंत कुठलीही नोंद नव्हती.