दुचाकीला अज्ञात वाहनाची धडक..-एक गंभीर

पारोळा बायपासवर पुन्हा अपघात ; उपाययोजना करण्याची मागणी

पारोळा प्रतिनिधी – ( प्रकाश पाटील )

येथील धरणगाव चौफुली बायपास वर एका मोटरसायकल स्वारास अज्ञात वाहनाने जबर धडक दिल्याने त्यात तो गंभीर जखमी झाल्याची घटना मंगळवारी रात्री दहाच्या सुमारास घडली.
याबाबत राजेंद्र बाबुराव पाटील (वय ४५) म्हसवे हे रात्री दहाचा सुमारास त्यांची सीडी डीलक्स मोटरसायकलने म्हसवेकडे जात असताना बायपासवरील धरणगाव चौफुलीवर अज्ञात वाहनाने त्यांना जबर धडक दिली,त्यात त्यांच्या डोक्यास हातापायास जबर दुखापती झाल्या आहेत,त्याच वेळेस बायपास वरून म्हसवे येथील माजी उपसरपंच साहेबराव पाटील हे भोकरबारी कडे जात असताना त्यांना सदर इसम हा रस्त्याच्या कडेला मोटरसायकल सह फेकला गेलेला दिसला,त्यांनी तात्काळ रुग्णवाहिका बोलवून सदर इसमास पारोळा कुटीर रुग्णालय येथे दाखल केले मात्र प्रकृती गंभीर असल्याने त्यांना तात्काळ धुळे येथील शासकीय रुग्णालयात हलवण्यात आले आहे,त्याची प्रकृती चिंताजनक असल्याचे वैद्यकीय सूत्रांनी सांगितले.सदर बायपासवर हा आठवा ते नववा अपघात झाला असून यात दोन जणांचे निष्पाप बळी गेले आहेत. दरम्यान,येथे लवकरात लवकर महामार्ग प्राधिकरणाने उपाययोजना करावी अशी मागणी सर्वसामान्यांकडून होत आहे.