रावेर तालुका माध्यमिक शाळा व शिक्षक गौरव समितीच्या वतीने दिल्या जाणाऱ्या तालुकास्तरीय शाळा व शिक्षक पुरस्कारांचा वितरण सोहळा संपन्न

निंभोरा प्रतिनिधी – ( प्रमोद कोंडे )

रावेर तालुका माध्यमिक शाळा व शिक्षक गौरव समितीच्या वतीने दिल्या जाणाऱ्या तालुकास्तरीय शाळा व शिक्षक पुरस्कारांचा वितरण समारंभ शनिवार दि.२१ रोजी माध्यमिक शिक्षण प्रसारक मंडळ संचलित माध्यमिक विद्यालय तांदलवाडी येथे पार पडला.
तालुकास्तरीय पुरस्कार प्राप्त शाळा पुरस्कार माध्यमिक विद्यालय तांदलवाडी या शाळेस मिळाला तसेच तुळशीदास बाबुराव महाजन (सरदार जी.जी. हायस्कुल रावेर ), प्रेमलता किशोर चौधरी (दत्तु सोनजी पाटील माध्य. विद्यालय केऱ्हाळे बु॥,) अर्जुन जयराम सोळुंके (ग.गो. बेंडाळे हायस्कुल विवरे बु॥,) लक्ष्मण मधुकर ठाकुर (नुतन माध्य. विद्यालय चिनावल,) अजीमखान रशीदखान ( खिजर उर्दु हायस्कुल चिनावल) यांना आदर्श शिक्षक पुस्कार देवून गौरवण्यात आले.या समारंभाच्या अध्यक्ष जि.प. अध्यक्षा रंजना पाटील या होत्या.पुस्कार मिळाला पण एवढयावर तुमची जबाबदारी थांबत नाही.याही पुढे तुम्हाला परिश्रम करावे लागतील.असे प्रतिपादन यावेळी त्यांनी केले. शिक्षक पुस्कारांचे वितरण जि. शिक्षण व प्रशिक्षण संस्था जळगांवचे अधिव्याख्याता शैलेश पाटील तसेच महाराष्ट्र राज्य माध्य.शाळा मुख्याध्यापक संघाचे अध्यक्ष जे.के.पाटील यांचे हस्ते करण्यात आले. यावेळी माध्य. शिक्षण प्रसारक मंडळाचे चेअरमन राजाराम महाजन, व्हा. चेअरमन मुकेश पाटील, अध्यक्ष के.जी.महाजन, सेक्रेटरी एस.के.महाजन, माजी सरपंच श्रीकांत महाजन तसेच पदाधिकारी उपस्थित होते. रावेर तालुका माध्यमिक शाळा व शिक्षक गौरव समितीचे तालुका अध्यक्ष विजय चौधरी, नितीन महाजन,एस टी महाजन, एन व्ही पाटील, टी जी बोरोले, ए डी चौधरी,शिरीष वाणी, वाय एस महाजन,दिलीप वैद्य,एस.व्ही येवले,ए. डी. पाटील,प्रमोद नरवाडे,नरेंद्र दोडके तसेच तालुक्यातील शिक्षक उपस्थित होते.कार्यक्रमाचे प्रास्ताविक विजय चौधरी यांनी तर आभार नितीन महाजन यांनी मानले.