संघटन समिक्षा संवाद दौर्‍याला हजारोच्या संख्यने उपस्थित रहावे
जालना,
जालना येथील मातोश्री लॉन्स अंबड रोड जालना येथे संघटन समिक्षा संवाद मेळाव्याचे आयोजन दि. 2 सप्टेंबर गुरूवार रोजी दुपारी 2 : 30 वाजता करण्यात आले आहे. या मेळाव्यास महाराष्ट्र अध्यक्षा रेखाताई ठाकुर, महाराष्ट्र उपाध्यक्ष गोविंद दळवी, महाराष्ट्र महासचिव अरुन्धती सिरसाठ यांच्या उपस्थितीत हा मेळावा संपन्न होणार असून या मेळाव्यासाठी वंचितच्या पदाधिकारी, कार्यकर्त्यांनी मोठ्या संख्येने उपस्थित राहावे असे आवाहन शहराध्यक्ष कैलास रत्नपारखे यांनी केले आहे.
या संदर्भात देण्यात आलेल्या प्रसिद्धी पत्रकात म्हटले आहे की, वंचित बहुजन आघाडी यांचा महाराष्ट्र पदधिकार्‍यांचा मराठवाडा दौरा चालु असुन येणार्‍या दि. 2 सप्टेंबर रोजी जालना येथील मातोश्री लॉन्स अंबड रोड या ठिकाणी संघटन समिक्षा संवाद मेळावा आयोजित करण्यात आलेला आहे. या मेळाव्यास जालना जिल्हातील सर्व वंचित बहुजन आघाडीच्या पदधिकारी, महिला पदधिकारी व कार्यकर्त्यांनी हजारोच्या संख्येने उपस्थित राहावे असे आवाहन प्रसिद्धीस दिलेल्या पत्रकाद्वारे शहर अध्यक्ष कैलास रत्नपारखे यांनी केले आहे.
