केंद्रीय राज्यमंत्री डॉ. भारती पवार यांच्या हस्ते जिल्हा रुग्णालय येथील ऑॅक्सिजन प्लांटचे लोकार्पण

नाशिक,

साथरोगांच्या काळात व इतर काळातही जिल्ह्यातील रुग्णालयांमध्ये ऑॅक्सिजनचा सतत पुरेसा साठा असावा म्हणून नाशिक जिल्ह्याची वाटचाल ऑॅक्सिजन स्वयंपूर्णतेच्या दिशेने सुरू आहे. त्याच पार्श्वभूमीवर आज जिल्हा सामान्य रुग्णालय येथील एक हजार एलपीएम क्षमतेच्या ऑॅक्सिजन प्लांटचे लोकार्पण केंद्रीय आरोग्य व कुटुंब कल्याण राज्यमंत्री डॉ. भारती पवार यांच्या हस्ते करण्यात आले.

जिल्हा सामान्य रुग्णालयाच्या आवारात झालेल्या या लोकार्पणप्रसंगी आमदार डॉ. राहुल आहेर, जिल्हा शल्य चिकित्सक डॉ. अशोक थोरात, अतिरिक्त जिल्हा शल्य चिकित्सक डॉ. किशोर श्रीवास, निवासी वैद्यकीय अधिकारी डॉ. प्रशांत खैरे, नोडल अधिकारी डॉ. निखिल सैंदाणे उपस्थित होते. यापूर्वी निफाड उपजिल्हा रुग्णालय येथील ऑॅक्सिजन प्लांटचे लोकार्पण केंद्रीय आरोग्य राज्यमंत्री डॉ. भारती पवार यांच्या हस्ते संपन्न झाले