महामंडलेश्वर जनार्दन महाराज यांची अवतरण दिनानिमित्त भारोभार बुंदी तुला

प्रतिनिधी – ( प्रमोद कोंडे mob.- 9922358586 )

संपूर्ण देशभर अफाट कार्य, सेवाभावी व्यक्तिमत्व असलेले परम पूज्य महामंडलेश्वर जनार्दन हरिजी महाराज यांनी आपला वाढदिवस साध्या पद्धतीने साजरा केला. महाराजांची अवतरण दिनानिमित्त त्यांच्या भारोभार बुंदीची तुला करण्यात आली.
मंदिर संस्थानच्या शेतात शनिवारी सकाळी 7:00 वाजता गुरु जगन्नाथ यांच्या समाधी स्थळावर पूजा अर्चा करून गुरुवर्यश्रींचे आशीर्वाद घेऊन हनुमंत रायाचे दर्शन घेऊन सतपंथ मंदिरात तामिळनाडू येथून आलेले भाविक हरिलाल पटेल यांनी सपत्नीक जनार्दन महाराजांचे पाद्यपूजन केले. त्यानंतर आरती करून पुढील कार्यक्रमास सुरुवात झाली.
परम पूज्य महामंडलेश्वर महाराजांची भाविकांच्या सानिध्यात बुंदी तुला करण्यात आली. यावेळेस दिवसभर भाविकांनी, विविध क्षेत्रातील मान्यवरांनी मंदिरात येऊन परम पूज्य महामंडलेश्वर जनार्दन महाराजांचे अभिष्टचिंतन केले. व आशीर्वाद घेतले.