लक्ष्य निश्चित केल्याशिवाय यश मिळत नाही – पोलीस उपअधीक्षक सोमनाथ वाकचौरे

रोटरी रॉयल्स तर्फे सन्मान कर्तबगार यांचा कार्यक्रम संपन्न

भुसावल- येथील रोटरी क्लब ऑफ भुसावल रॉयल्स आणि उदिता कन्स्ट्रक्शन भुसावल यांच्या संयुक्त विद्यमाने स्वातंत्र्यदिन 15 ऑगस्ट रोजी सन्मान कर्तबगारांचा हा विशेष कार्यक्रम आयोजित केला गेला होता. त्याप्रसंगी प्रमुख अतिथी म्हणून विद्यार्थ्यांना मार्गदर्शन करतांना पोलिस उपअधीक्षक सोमनाथ वाकचौरे यांनी विविध उदाहरणे देऊन जीवनात यशस्वी होण्याचा मंत्र सांगितला.
भुसावळ शहरातील कला सांस्कृतिक शैक्षणिक व क्रीडा क्षेत्रातील कर्तबगारी दाखवणा-या व्यक्तींचा तसेच नुकत्याच जाहीर झालेल्या दहावी आणि बारावीच्या वर्गातील शाळेतून प्रथम क्रमांकाने उत्तीर्ण झालेल्या विद्यार्थ्यांचा सत्कार येथील रोटरी हॉलमध्ये करण्यात आला होता. कार्यक्रमाच्या अध्यक्षस्थानी स्थानी व्यापारी महामंडळाचे अध्यक्ष राधेश्याम लाहोटी हे होते. याप्रसंगी व्यासपीठावर रोटरी रॉयल चे अध्यक्ष राजेंद्र यावलकर व सचिव एडवोकेट विनोद तायडे , प्रकल्प प्रमुख रोटेरियन गणेश फेगडे आणि या कार्यक्रमाचे प्रायोजक उदिता कन्स्ट्रक्शन चे संचालक रोटेरियन भूपेंद्र शर्मा, रोटरीचे माजी प्रांतपाल राजीव शर्मा हे उपस्थित होते.
कार्यक्रमाच्या सुरुवातीस दहावी व बारावीच्या विद्यार्थ्यांनी कोरोना काळातील परीक्षा परिस्थितीवर आपले मनोगत केले.परीक्षेची संपूर्ण तयारी केल्यावर जेव्हा परीक्षा रद्द झाल्याची बातमी आली तेव्हा हे सर्व विद्यार्थी नाराज झाले होते असे त्यांच्या मनोगतातून कळाले. प्रास्तविक प्रकल्प प्रमुख गणेश फेगडे यांनी केले.याप्रसंगी माननीय राधेशाम लाहोटी यांनी विद्यार्थ्यांच्या पुढील वाटचालीस हार्दिक शुभेच्छा दिल्या तसेच माननीय सोमनाथ जी वाकचौरे यांनी गुणवंतांचे हात कर्तृत्ववान च्या हातात रूपांतरित व्हावे आणि कर्तृत्ववान व्यक्तींच्या हातून अधिकाअधिक प्रगती होऊन भुसावल शहराच्या प्रसिद्धीत वाढ होवो अशी अपेक्षा व्यक्त केली.यावेळी रोटेरियन राजीव शर्मा यांनी क्लबमध्ये समाविष्ट झालेल्या नवीन सदस्यांना रोटरी ची पिन व प्रमाणपत्र देऊन त्यांना सदस्यत्व बहाल केले.
या कार्यक्रमात खालील व्यक्तींना त्यांच्या क्षेत्रातील कामगिरी नुसार विविध पुरस्काराने सन्मानित करण्यात आले यामध्ये भूत भुसावळ नगरपालिकेचे मुख्याधिकारी श्री संदीप चिद्रवार यांना उत्कृष्ट सेवा पुरस्कार, आरोग्य अधिकारी श्री प्रदीप पवार यांना कर्तव्यनिष्ठा पुरस्कार तसेच सर्वश्री महेश मुरलीधर चोपडे ,श्री मुकेश अग्रवाल, श्री प्रवीण गडे व श्री विनोद बबनराव उबाळे यांना समाजसेवा पुरस्काराने सन्मानित करण्यात आले स्मशान भूमी कर्मचारी श्री अरुण रंधे यांना मानवता पुरस्कार देण्यात आला तर प्राध्यापक श्री जयेंद्र लेकुरवाळे यांना जीवरक्षक व डॉक्टर विक्रांत सोनार यांना जीवन दाता पुरस्काराने सन्मानित करण्यात आले भुसावळ येथील सुप्रसिद्ध अस्थिरोग तज्ञ डॉक्टर तुषार पाटील आणि श्रीमती दिशा अतुल चौधरी यांना क्रीडा गौरव पुरस्कार तर क्षितीज राजेश मानवतकर यांना यशवंत पुरस्कार व रोटेरियन राजीव शर्मा यांना दातृत्व पुरस्काराने सन्मानित करण्यात आले. रोटेरियन सागर विसपुते यांना रक्तदाता पुरस्कार देण्यात आला. सौ. विशाखा सुनिल शिंदे यांनी लुटारू मुलांच्या तावडीतून एका वृद्धाची सुखरूप सुटका केल्याबद्दल त्यांना शौर्य पुरस्काराने गौरवण्यात आले. रमाकांत भालेराव यांना कला गौरव तर वीरेंद्र पाटील यांना नाट्य गौरव पुरस्कार, कोरोनाच्या प्रतिकूल परिस्थितीत श्रीमती अंजली रूनवे या दिव्यांग असूनही आपल्या कार्यालयात पूर्णवेळ प्रामाणिक सेवा केल्याबद्दल त्यांना धैर्य पुरस्कार तर वृक्षांचे संगोपन करून त्यांच्या नियमित वाढीकडे लक्ष देणारे नाना पाटील यांना वृक्षमित्र पुरस्कार, रणजितसिंग राजपूत यांना युवा वैभव पुरस्काराने सन्मानित करण्यात आले. त्यानंतर १०वी व १२ वी तील यशस्वी विद्यार्थ्यांना गुणवंत पुरस्काराने गौरविण्यात आले.
कार्यक्रमात उपस्थित असलेल्या मान्यवरांचा स्वागत सोहळा क्लबचे माजी अध्यक्ष रोटेरियन उमेश नेमाडे यांच्या हस्ते करण्यात आला. सूत्रसंचालन प्रा. गिरीष कुलकर्णी यांनी केले. कार्यक्रम यशस्वीतेसाठी सर्व रोटेरियन मोहन पाटील, सी. जी. पवार, योगेश उबाळे अनुप सिंग ठाकूर, प्रशांत सुतवणे , धीरज मुळे ,अनंत वाटपाडे यांनी मेहनत घेतली