नीट परीक्षेत यश संपादन केल्याबद्दल आमदारांच्या हस्ते सत्कार….

पारोळा प्रतिनिधी – ( प्रकाश पाटील )

पारोळा शहरातील डाॕ.विलय शाह यांचे सुपुत्र क्षितिज शाह याने नीट ( NEET ) परिक्षेत ७२० पैकी ६७५ गुण प्राप्त करून पारोळा तालुक्यात आजपर्यंतचा NEET परिक्षेतील उच्चांक गाठत ११३९ हि रँक मिळविली आहे.तसेच पारोळा भारतीय जनता पार्टीचे शहराध्यक्ष मुकुंदा चौधरी यांचे सुपुत्र मितेश चौधरी याने देखील नीट ( NEET ) परिक्षेत ७२० पैकी ५८७ गुण प्राप्त करून घवघवीत यश संपादन करत २६००० हि रँक मिळविली आहे. या यशाबद्दल क्षितिज व मितेश या दोघांचाही आमदार चिमणरावजी पाटील व पारोळा नगरपरिषदेच्या प्रथम महिला नगराध्यक्षा नलिनीताई पाटील यांनी सत्कार करून कौतुक केले आहे.

याप्रसंगी श्रध्दा हाॕस्पिटलचे संचालक डाॕ.सुरेश पाटील, डाॕ.रविंद्र पुंडलिक नावरकर, डाॕ.हेमंत मराठे व संदीप पाटील, दिलीप चौधरी,विश्वास चौधरी, रेखाताई चौधरी,मुकुंदा चौधरी, श्रावण चौधरी उपस्थित होते.