वाकदला मान्यवरांच्या हस्ते विविध विकासकामांचा शुभारंभ…

निफाड प्रतिनिधी–(रामभाऊ आवारे)

वाकद तालुका निफाड येथे मान्यवरांच्या हस्ते विविध विकासकामांचा शुभारंभ करण्यात आला.
वाकद ग्रामपंचायतीच्यावतीने जनसुविधा योजनेंतर्गत स्मशानभूमी रस्ता काँक्रीटीकरण व पेव्हर ब्लॉक, ठक्कर बाप्पा योजनेअंतर्गत आदिवासी वस्तीत सभागृह, गावअंतर्गत भूमिगत गटार व रस्ता काँक्रीटीकरण, पंधराव्या वित्त आयोगातून चारी क्रं.१३ ते गावतळे बंदीस्त पाईपलाईन व गेट बांधकाम, देवगाव फाटा प्राथमिक शाळेसमोर प्लेवर ब्लॉक बसविणे आदी कामांचे भूमिपूजन करण्यात आले.
याप्रसंगी आयोजित कार्यक्रमाच्या अध्यक्षस्थानी मुंबई कृ.उ.बा.स.संचालक जयदत्त होळकर होते. प्रमुख पाहुणे म्हणून ना.छगन भुजबळ यांचे स्वीय सहाय्यक बाळासाहेब लोखंडे, सुनील पैठणकर, शिवाजी सुपनर, रा.काँ पक्षाचे प्रांतिक सदस्य हरिश्चंद्र भवर,शिवा सुरासे, लासलगाव कृ.ऊ.बा.स.संचालक ललित दरेकर, देवदत्त कापसे, विनोद जोशी, भाऊसाहेब बोचरे, डॉ.श्रीकांत आवारे, विस्तार अधिकारी सोनवणे साहेब, शांताराम जाधव आदी उपस्थित होते.
कार्यक्रमाच्या यशस्वीतेसाठी सरपंच नलिनी गांगुर्डे, उपसरपंच आण्णा शिंदे, अशोक वाळुंज, ग्रामविकास अधिकारी कैलास देसले आदींनी प्रयत्न केले.कार्यक्रमाचे सूत्रसंचालन मधुकर ठोंबरे यांनी केले.