रामायण सिरीयलमधील प्रसिद्ध अभिनेते अरविंद त्रिवेदी यांचे निधन

मुंबई,

रामायण सिरीयलमधील प्रसिद्ध अभिनेते अरविंद त्रिवेदी यांचे काल रात्री (दि. 5 ऑॅक्टोंबर)रोजी हृदयविकाराच्या झटक्याने निधन झाले. ते 83 वर्षांचे होते. त्रिवेदी हे मुळचे ईडरच्या कुकडिया गावाचे रहिवाशी होते. ते बर्‍याच दिवसांपासून छोट्या मोठ्या आजारांनी त्रस्त होते. अशी माहिती त्यांच्या नातेवाईकांनी दिली आहे.

दूरदर्शनवर प्रसारित होणार्‍या रामानंद सागर यांच्या अत्यंत लोकप्रिय पौराणिक मालिका ’रामायण’ मध्ये त्रिवेदी यांनी रामायण मालिकेत रावणाची भूमिका साकारली. त्यांना लंकेश या नावाने ओळखले जायचे. त्रिवेदी यांनी रावणाची भूमिका अशा प्रकारे बजावली की, आजही त्यांची तीच प्रतिमा लोकांच्या डोळ्यांसमोर आहे. त्रिवेदी यांची अभिनयाची सुरुवातीची कारकीर्द गुजराती रंगभूमीपासून सुरू झाली. त्यांनी आपल्या अभिनयातून लोकप्रिय हिंदी शो रामायणामधून घराघरामध्ये नाव कमावले. दरम्यान, त्यांच्या अभिनय कारकिर्दीत त्यांनी सुमारे 300 हिंदी आणि गुजराती चित्रपटांमध्ये काम केले.