ग्रामविकास हाच खरा देश विकासाचा पाया आहे – आ.संजय सावकारे

भुसावळ-

आपला देश हा खेड्यांचा देश आहे,आणि ग्रामीण भागाचा विकास झाल्याशिवाय समृद्ध राष्ट्र निर्माण होऊ शकणार नाही असे प्रतिपादन आमदार संजय सावकारे यांनी जोगलखेडे येथे विविध कामांच्या भूमिपूजन प्रसंगी केले.
यावेळी भुसावळ तालुक्यातील जोगलखेडे- भानखेडे जोड रस्त्याचे काँक्रीटीकरण, समाज मंदिर तसेच महिला शौचालय भूमिपूजन आ.संजय सावकारे तसेच पंचायत समिती सभापती वंदना उन्हाळे यांचे हस्ते करण्यात आले. आमदार सावकारे यांनी कामाच्या गुणवत्तेबाबत कंत्राटदार यांना सूचना दिल्या.

प्रसंगी पं.स.सदस्य सुनिल महाजन, भाजप तालुकाध्यक्ष भालचंद्र पाटील, सामाजिक कार्यकर्ते सदानंद उन्हाळे, संजय पाटील, जितेंद्र कोळी, सरपंच सारिका पंकज पाटील, उपसरपंच जानकिराम कोळी, माजी सरपंच पंकज डिगंबर पाटील, नामदेव पाटील, निवृत्ती कोळी, महेंद्र पाटील, रामचंद्र पाटील, ग्रामसेविका प्रतिभा तायडे, जि.प.शाळेचे मुख्याध्यापक गणेश फेगडे, ठकसेन कोळी तसेच ग्रामस्थ उपस्थित होते.