तामसवाडी ता.रावेर येथे विद्युत रोहित्रावर विज आदळली

तामसवाडी ता.रावेर प्रतिनिधी दि.०८/०९/२०२१( राजेश वसंत रायमळे )

तामसवाडी ता.रावेर येथे पावसाने धुमकुळ घातल्याने पाणीपुरवठा विद्युत रोहित्रावर विज कोसळली.
याबाबत सविस्तर वृत्त असे की, दि.०७/०९/२०२१ मंगळवार संध्याकाळी विजांच्या गडगडाटासह पावसाने खुप धुमाकुळ घातला तेव्हा गावातील पाणी पुरवठा विद्युत रोहित्रावर हलकीशी विज आदळली.सुदैवाने कुठल्याच प्रकारे जिवीत अथवा वित्त हानी झाली नाही.गावातील घरगुती विज पुरवठा सुरळीत चालू असून पाणीपुरवठा विद्युत रोहित्रावरच विज आदळल्याने पिण्याच्या पाण्याचा पुरवठा मात्र आज दिवसभर खंडित होता.पिण्याच्या पाण्याअभावी जनता त्रस्त होऊ नये म्हणून पाणीपुरवठा लवकरात लवकर पूर्ववत करण्यासाठी ग्रामपंचायत तथा विद्युत कर्मचाऱी युद्धपातळीवर प्रयत्न करीत आहेत.