विंडीज ने ऑस्ट्रेलिया पराभूत करुन मालिका जिंकली

सेंट लुसिया

17जुलै

एविन लुईस (79) च्या शानदार खेळीच्या जोरावर वेस्टइंडिजने येथील डेरेन सॅमी राष्ट्रीय क्रिकेट मैदानावर खेळण्यात आलेल्या पाचव्या आणि शेवटच्या टि-20 सामन्यात ऑस्ट्रेलियाला 16 धावाने हरवून पाच सामन्यांची मालिका 4-1 ने जिंकली.

विंडीजने नाणेफेक जिंकून प्रथम फलंदाजी करत लुईसच्या 34 चेंडूत चार चौकार व नऊ षटकारांच्या मदतीने 79 धावांच्या जोरावर वीस षटकामध्ये आठ बाद 199 धावसंख्या केली या व्यतिरीक्त निकोलस पूरने 31, क्रिस गेलने 21, लँडल सिमंसने 21 आणि आंद्रे फ्लेचरने 12 धावांचे योगदान दिले. ऑस्ट्रेलियाकडून टाईने तीन, अ‍ॅडम जम्पा व मार्शने प्रत्येकी दोन तर स्वीपसनने एक गडी बाद केला.

लक्ष्याचा पाठलाग करण्यासाठी मैदानात उतरलेला ऑस्ट्रेलियाचा संघ 20 षटकांमध्ये नऊ बाद 189 धावसंख्या करु शकला. विंडीजकडून शेल्डन कॉट्रेल आणि आंद्रे रसेलने प्रत्येकी तीन तर हेडन वॉल्शने एक गडी बाद केला.

ऑस्ट्रेलियाकडून कर्णधार एरोन फिंचने 34, मिशेल मार्शने 30, मॅथ्यू वेडने 26, जोश हेजलवुड 13 धावा करुन नाबाद राहिला.