एडिनबर्ग टि-20 : स्कॉटलँडचा झिम्बाब्वेवर विजय

एडिनबर्ग,

रिंची बेरिंगटन (नाबाद 82) च्या शानदार डाव आणि साफयान शरीफ (24 धावात 4 गडी) च्या शानदार गोलंदाजीच्या जोरावर स्कॉटलँडने येथील ग-ेंज क्रिकेट क्लबमध्ये खेळण्यात आलेल्या तीन सामन्यांच्या टि-20 मालिकेतील पहिल्या सामन्यात झिम्बाब्वेला सात गडी राखून पराभूत करुन मालिकेत 1-0 ने आघाडी घेतली आहे.

स्कॉटलँडचा कर्णधार काईल कोएल्जरने नाणेफेक जिंकून प्रथम फलंदाजी करण्याचा निर्णय केला आणि संघाने 20 षटकांमध्ये सह गडी गमवून 141 धावा केल्या. लक्ष्याचा पाठलाग करण्यासाठी मैदानात उतरलेल्या झिम्बाब्वेचा संघ 20 घटकांमध्ये नऊ बाद 134 धावा करु शकला.

बेरिंगटनने स्कॉटलॅेडकडून 61 चेंडूत सात चौकार आणि तीन षटकारांच्या मदतीने सर्वाधिक नाबाद 82 धावा केल्या तर उर्वरीत फलंदाज विशेष करु शकले नाहीत. झिम्बाब्वेकडून तेंदई चतरा आणि ल्यूक जोंगवेने प्रत्येकी दोन तर वेलिंग्टन मसाकादजा आणि रिचर्ड नगारावाने प्रत्येकी एक गडी बाद केला.

झिम्बाब्वेकडून मिल्टन शुम्बाने सर्वाधिक 30 चेंडूत पाच चौकार आणि एका षटकाराच्या मदतीने 45 धावा केल्या तर सिन विलियम्सने 28 आणि कर्णधार क्रेग एर्विने 26 धावांचे योगदान दिले परंतु ते संघाला विजय मिळवून देऊ शकले नाहीत.

स्कॉटलँडकडून शरीफने 24 धावा देऊन 4 गडी बाद केले तर अलास्डेयर इवांस वेस्ले मध्ेवेरे, क्रिस सोल वाट आणि ओली हॅरिसने प्रत्येकी एक गडी बाद केला. दोनीही संघातील दुसरा सामना 17 सप्टेंबरला गेला जाईल.