अमेरिका टोकियोत 100 पदके जिंकणारा ठरला पहिला देश

मुंबई

7 ऑॅगस्ट

अमेरिकेने ऑॅलिम्पिकमध्ये पुन्हा एकदा 100 पदकाचा टप्पा पार केला आहे. टोकियो ऑॅलिम्पिकमध्ये आज शनिवारी अमेरिकेने 100 वे पदक जिंकले. दरम्यान, सर्वात जास्त पदकं जिंकून देखील अमेरिका पदकतालिकेत दुसर्‍या स्थानावर आहे. चीन त्यांच्यापेक्षा कमी पदकं जिंकत पहिल्या स्थानावर आहे. याचे कारण आहे की, चीनने अमेरिकापेक्षा जास्त सुवर्ण पदकं जिंकली आहेत. पदकतालिकेत सर्वात जास्त सुवर्ण पदकं जिंकणारा संघ अव्वल ठरतो. भारत या तालिकेत 66व्या स्थानावर आहे.

टोकियो ऑॅलिम्पिक 23 ऑॅगस्ट ते 8 ऑॅगस्ट या काळात होत आहे. अमेरिकेने आजपर्यंत 100 हून अधिक पदकं जिंकली. त्यांनी बास्केटबॉलच्या अंतिम सामन्यात फ्रान्सचा पराभव करत 32वे सुवर्ण आणि 100वे पदक जिंकले.

अमेरिकेने सर्वाधिक रौप्य पदकं जिंकली आहेत. त्यांनी 36 रौप्य पदके जिंकली आहेत. तसेच 32 कास्य पदक देखील त्यांच्या नावे आहेत. यामुळे त्यांचे पदकतालिकेत नुकसान झालं आहे. चीन 37 सुवर्ण पदकासह 81 पदके जिंकत पहिल्या स्थानावर आहे. तर अमेरिका 31 सुवर्ण पदकासह दुसर्‍या स्थानावर आहे. जपान 24 सुवर्णांसह 51 पदके जिंकत तिसर्‍या स्थानी आहे.

भारताने टोकियो ऑॅलिम्पिकमध्ये शनिवार सकाळी 10 वाजेपर्यंत 5 पदकं जिंकली आहेत. यात 2 रौप्य तर तीन कास्य पदकांचा समावेश आहे. पदकतालिकेत भारत 66व्या नंबरवर आहे. भारताने रिओ ऑॅलिम्पिक 2016 मध्ये 2 पदकं जिंकली होती. तर लंडन ऑॅलिम्पिकमध्ये 6 पदकाला गवसणी घातली होती.