सावदा येथे नगराध्यक्षांसह बरेच नगरसेवक राष्ट्रवादीचे घड्याळ हातावर बांधण्याच्या तयारीत – भाजपला धक्का !

सावदा प्रतिनिधी

सावदा येथे शहरातील राष्ट्रवादी कॉंग्रेस पक्षाच्या पदाधिकारी व कार्यकर्ते यांची आज जेहरा मॅरेज हॉल येथे दि. 14 रोज दुपारी ४ वाजेला आढावा बैठक आयोजित करण्यात आली. यात भाजपच्या नगराध्यक्षा अनिता येवले यांच्यासह गटनेते अजय भारंबे, लीना चौधरी, नंदाबाई लोखंडे जयश्री नेहेते, शबाना तडवी, सागिरा बी सैय्यद तूकडू, सतिश बेंडाळे नगरसेवकांनी हजेरी लाऊन भाजपाला फारकत देत राष्ट्रवादीचे घड्याळ हातांवर बांधल्याचे जवळजवळ स्पष्ट झाले. त्यामुळे पक्षाला धक्का बसणार असल्याचे स्पष्ट होत आहे. याचा आगामी नगरपालिका निवडणुकीवर परिणाम होणार असल्याचे मानले जात आहे.

या बैठकीत ना. अजितदादा पवार यांच्या आगामी संपर्क दौर्‍याबाबात विचार विनिमय करणे. शहरातील विविध पदाधिकारी व कार्यकर्तेचा पक्ष प्रवेश व सत्कार. पक्ष कार्यकारणीचा आढावा आणि शहरात शाखा उदघाटन बाबतचे कार्यक्रम ठरविणे यावर चर्चा झाली. कार्यक्रमाला राष्ट्रवादीचे जिल्हाध्यक्ष रवींद्रभैय्या पाटील आणि जिल्हा बँकेच्या अध्यक्षा रोहिणीताई खडसे यांनी या आढावा बैठकीला संबोधित केले. प्रमुख पाहुणे म्हणून माजी आमदार अरूण पाटील, राष्ट्रवादी युवकचे जिल्हाध्यक्ष रवींद्र नाना पाटील, माजी नगराध्यक्ष राजेश वानखेडे, गटनेते फिरोजखान पठाण, भुसावळचे नगरसेवक प्रा. सुनील नेवे, किसान सेलचे सोपान पाटील जिल्हा युवक, सुनील नेवे, फिरोज पठाण, कुर्बान शेख, अध्यक्ष, सोपान पाटील, किसान सेल जिल्हा अध्यक्ष अरविंद मानकरी, जिल्हा अध्यक्ष सामाजिक न्याय विभाग तालुका अध्यक्ष नीलकंठ चौधरी, प्रकाश पाटील, सेवा दल राज्य सदस्य सुनील कोंडे, ओ,बी,सी,सेल तालुका अध्यक्ष मा.प.स. सदस्य प्रमोद रझोतकर, रावेर शहराध्यक्ष प्रणीत महाजन, कार्याध्यक्ष रावेर शहर मयूर पाटिल, पंकज येवले, कुशल जावळे, जगदीश बढे, रेखा वानखेड़े, कल्पना ठोसरे महिला शहराध्यक्षा, सिद्धार्थ बड़गे, सै. अजगर, सतीश बेंडाळे, माजी उप नगराध्यक्ष सय्यद अनीस, सिद्धार्थ बड़गे, तालुका सरचिटनीस वाय, डी, पाटील, शेख हारून आदी मान्यवर उपस्थित आहेत.