रावेर येथे सरफाच्या दुकानातून भरदिवसा ५० हजाराच्या दागिन्यांची चोरी…

चोरीची घटना सी सी टी व्ही त कैद …

दोन अज्ञात महिला विरुद्ध गुन्हा दाखल

रावेर -प्रतिनिधी

येथील एका सराफाच्या दुकानातून दोन अज्ञात महिलांनी सुमारे ५० हजार रुपये किमतीचे काळे मणी असलेले साडे अडोतीस ग्रॅम वजनाचे मंगळ सुत्र चोरून नेल्याची घटना येथे घडाली . हा प्रकार सीसीटीव्ही फुटेज पाहिल्या नंतर उघडकीस आला .या बाबत रावेर पोलीस ठाण्यात दोन अनोळखी महिलां विरुध्द गुन्हा दाखल करण्यात आला आहे .
या बाबतचे वृत्त असे की येथील डॉ . हेडगेवार ( चौराहा ) चौकातील महालक्ष्मी अलंकार ज्वेलर्स या सराफाच्या दुकानातून काल (ता.९) रोजी दुपारी पावणे चारच्या सुमारास दोन अनोळखी महिलांनी दुकानातून सुमारे ५० हजार रुपये कीमतीचे साडे अडोतीस ग्रॅम काळे मणी असलेले सोन्याचे मंगळसुत्र चोरून नेले . दुकान बंद करीत असतांना स्टॉक चेक करीत असताना दूकान मालकाला सोन्याचे मंगळसूत्र कमी असल्याचे लक्षात आले . त्याने सीसी टीव्ही फुटेज पाहिले असता दोन महिला ग्राहक बनून आल्या होत्या . त्यांनी दुकान मालक व त्यांचा मुलगा यांचा विश्वास संपादन करून हात चलाखीने त्यांचा विश्वास घात करून सोन्याची पोत चे स्ट्रे पाहत असताना त्यातील एक पोत वरील वर्णनाचा व किंमतीचा मुद्देमाल चोरून नेला.याबाबत
नरेंद्र भगवान सोनार यांनी रावेर पोलीस ठाण्यात दिलेल्या माहिती वरून रावेर पोलीस ठाण्यात दोन अनोळखी महिलां विरुध्द चोरीचा गुन्हा दाखल करण्यात आला आहे . पुढील तपास तपासी सहायक पोलीस निरिक्षक शितलकुमार नाईक करीत आहेत .