अभिनेत्री पायल रोहतगी विरोधात पुण्यात गुन्हा दाखल, गांधी कुटुंबीयांविषयी केले वादग-स्त विधान

पुणे

सतत वादग-स्त वक्तव्य करून चर्चेत राहणारी अभिनेत्री पायल रोहतगी हिच्या विरोधात पुण्यातील शिवाजीनगर पोलीस ठाण्यात गुन्हा दाखल करण्यात आला आहे. पंडित जवाहरलाल नेहरू व गांधी कुटुंबीयाबाबत चुकीचे व आक्षेपार्ह विधान केल्या प्रकरणी हा गुन्हा दाखल करण्यात आला आहे. काँग-ेस पक्षाच्या शहर जिल्हा काँग-ेस कमिटीच्या सरचिटणीस संगीता तिवारी यांनी या प्रकरणी तक्रार दिली होती.

पायल रोहतगी हिने पंडित जवाहरलाल नेहरू, इंदिरा गांधी, त्यांचे कुटुंबीय आणि काँग-ेस परिवार याविषयी खोटा आणि बदनामीकारक व्हिडिओ तयार करून तो सोशल मीडियावर अपलोड केला होता. या माध्यमातून हिंदू आणि मुस्लिम समाजात तेढ निर्माण करण्याचा प्रयत्न केल्याचा तिच्यावर आरोप करण्यात आला आहे. सुरुवातीला सायबर पोलीस ठाण्यात हा अर्ज दाखल करण्यात आला होता. त्यानंतर तिथून तो शिवाजीनगर पोलीस ठाण्यात वर्ग करण्यात आला आहे.

शिवाजीनगर पोलिसांनी पायल रोहतगी आणि व्हिडिओ तयार करणार्‍या अज्ञात इसमाविरोधात गुन्हा दाखल केला आहे. भादवी 153 अ 500, 5052, 34 अन्वये गुन्हा दाखल करण्यात आला आहे. सहाय्यक पोलीस निरीक्षक माने या प्रकरणाचा अधिक तपास करत आहेत.

यापूर्वीही पायल रोहतगीने छत्रपती शिवाजी महाराज, तसेच महात्मा गांधी यांच्याबद्दलही फेसबुकवर आक्षेपार्ह लिखान केलेले होते. त्यावेळी तिच्या विरोधात कारवाई करण्याची मागणी नागरिकांमधून झाली होती.