सामाजीक कार्यकर्ते व सामाजीक सेवा ग्रुप अध्यक्ष शोएब खान युनूस खान यांच्या पाठपुराव्यामुळे निंभोरा- बलवाडी रस्ता पुन्हा मुरूम टाकून दुरुस्त

निंभोरा बु. प्रतिनिधी – ( प्रमोद कोंडे mob.- 9922358586 )

निंभोरा – बलवाडी हा रस्ता प्रचंड प्रमाणात – पाऊसामुळे खराब झाला होता. या रस्त्यात मोठ-मोठे खड्डे पडले होते हा रस्ता मुख्य रहदारीचा, वर्दळीचा असून तांदलवाडी, मुक्ताईनगर धरणावर जाणारा मेन रस्ता आहे. निंभोरा गावातील रहिवाशी तरुण तडफदार व सदैव सामाजिक कामात अतिशय व्यस्त व अग्रेसर असलेले शोएब खान युनूस खान यांनी या वार्डात रहिवाशी असलेल्या नागरीकांच्या सततच्या तक्रारी नुसार,मागणीनुसार वारंवार सार्वजनिक बांधकाम विभागाकडे या रस्त्याविषयी समस्या मांडली होती. ग्रामपंचायत ने सुद्धा या रस्त्यावर खरव, बालिश टाकला होता, सतत पाठपुरवठा सुद्धा त्यांनी केला होता. त्यानुसार तत्पर आज दि. 28-08-2021 रोजी या रस्त्यांवर मुरूम टाकून दखल सार्वजनिक बांधकाम विभागाने घेतली असून या चिखलमय झालेल्या रस्त्यावर मुरूम टाकायला सुरुवात केली. शोएब खान युनुस खान यांच्या वारंवार पाठपुराव्यामुळे या निंभोरा – बलवाडी रस्त्याचे दुरुस्ती काम पुन्हा सुरू झाल्यामुळे त्यांचे त्या भागातील रहिवाशांनी आभार मानले.