भारोत्तोलक मीराबाई चानूने महिलांच्या 49 किलो वजनी गटात रौप्यपदक जिंकले, टोकियो ऑलिम्पिकमधील भारताचे पहिले पदक

नवी दिल्ली, 24 जुलै 2021

ठळक घडामोडी :

• टोक्यो इथे सुरु असलेल्या ऑलिम्पिक स्पर्धेच्या पहिल्या दिवशी आज  भारताच्या मीराबाई चानूने एकूण  202 किलो वजन उचलले असून यात स्नॅच प्रकारात  87 किलो व क्लीन अँड जर्कमध्ये 115 किलो वजन तिने उचलले.
• ऑलिंपिकमध्ये  पदक जिंकून सुरुवात झाल्याबद्दल   पंतप्रधान  नरेंद्र मोदी यांनी  आनंद व्यक्त केला आणि चानूच्या उत्कृष्ट कामगिरीबद्दल तिचे अभिनंदन केले.
• देशाच्या शिरपेचात मानाचा तुरा खोवला आहे, असे  मीराबाई चानू यांचे अभिनंदन करताना क्रीडामंत्री अनुरागसिंग ठाकूर यांनी म्हटले आहे.

भारोत्तोलक मीराबाई चानूने आज महिलांच्या 49 किलो गटात  रौप्यपदक जिंकून टोकियो ऑलिम्पिकमध्ये भारताला  पहिले पदक मिळवून दिले.  मीराबाईने  एकूण 202 किलो वजनउचलले, ज्यात स्नॅचमध्ये 87 किलो आणि क्लीन अँड जर्कमध्ये 115 किलो होते. मूळच्या माणिपूरच्या 26 वर्षीय मीराबाईने  2018 मध्ये पाठीला झालेल्या दुखपतीनंतर खूप काळजी घेत आपला सराव केला .  पहिले पदक मिळवून देत संपूर्ण देशाच्या कौतुकास पात्र ठरलेल्या   मीराबाईचे तिच्या यशाबद्दल  पंतप्रधान नरेंद्र मोदी, क्रीडामंत्री  अनुराग ठाकूर यांनी अभिनंदन केले आहे.  देशाच्या कानाकोपऱ्यातून तिचे अभिनंदन होत आहे.