भारतात कोविड-19 प्रतिबंधक लसीकरणाने पार केला 59 कोटी मात्रांचा टप्पा

नवी दिल्ली,

भारतात कोविड-19 प्रतिबंधक लसीकरणाने 59 कोटी मात्रांचा टप्पा काल पार केला. देशव्यापी लसीकरण अभियाना अंतर्गत भारताने गेल्या 24 तासात 61,90,930 मात्रा, पात्र नागरिकांना दिल्या असून आज सकाळी 7 वाजेपर्यंत प्राप्त अहवालानुसार भारताने आतापर्यंत एकूण 59.55 कोटीपेक्षा जास्त मात्रा (59,55,04,593) दिल्या आहेत. एकूण 65,52,748 सत्रांद्वारे मात्रा देण्यात आल्या आहेत.

देशभरात कोविड लसीकरणाचा वेग आणि व्याप्ती वाढवण्यासाठी केंद्र सरकार कटीबद्ध आहे.

गेल्या 24 तासात 34,169 रुग्ण कोरोना मुक्त झाले असून महामारीच्या सुरवातीपासून कोरोनाची लागण झालेल्यांपैकी एकूण 3,17,54,281 रुग्ण कोरोना मुक्त झाले आहेत.

कोरोनातून बरे होण्याचा दर 97.67मझाला आहे.

सलग 59 दिवसांपासून 50,000 पेक्षा कमी नव्या दैनंदिन रुग्णांची नोंद होत असून केंद्र आणि राज्य सरकारकेंद्र शासित प्रदेश यांच्या समन्वित प्रयत्नांचा हा परिणाम आहे.

गेल्या 24 तासात 37,593 नव्या रुग्णांची नोंद झाली.

देशात उपचाराधीन रुग्णांची संख्या 3,22,327 आहे. उपचाराधीन रुग्ण, एकूण रुग्णांच्या 1म पेक्षाही कमी म्हणजे सध्या 0.99म आहे.

चाचण्या करण्याच्या क्षमतेत वाढ सुरु असून देशात गेल्या 24 तासात 17,92,755 चाचण्या करण्यात आल्या. भारताने आतापर्यंत 51.11 कोटीहून अधिक (51,11,84,547) चाचण्या केल्या आहेत.

देशभरात चाचण्यांच्या क्षमतेत वाढ होत असताना साप्ताहिक पॉझीटीव्हिटी दर सध्या 1.92% असून गेले 61 दिवस 3म पेक्षा कमी आहे. दैनंदिन पॉझीटीव्हिटी 2.10म असून दर गेले 30 दिवस 3म पेक्षा कमी तर सलग 79 दिवस 5म पेक्षा कमी आहे.