पश्चिम बंगाल विभाजनाच्या मी बाजूने नाही – दिलीप घोष

कोलकाता

राज्यातील कोणत्याही भाजप नेत्याने बंंगाल विभाजनावर बोलणे केले नाही आणि आम्ही राज्य विभाजनाच्या बाजूने नाहीत असे मत पश्चिम बंगाल भाजपचे प्रदेशाध्यक्ष दिलीप घोष यांनी व्यक्त केले.

पश्चिम बंगाल भारतीय जनता पक्ष (भाजप) चे प्रदेशाध्यक्ष दिलीप घोष यांनी केंद्रियमंत्री जॉन बारलांच्या उत्तर बंगाल राज्य निर्मितीच्या मागणीला समर्थन केल्याच्या काही तासानंतर त्यांनी आपल्या मतावरुन यूटर्न (वळण) घेतले आणि म्हटले की कोणीही राज्याच्या विभाजना बाबत बोलले नाही.

पश्चिम बंगालचे उत्तर-दक्षिण विभाजनाच्या मागणीला दिलीप घोष यानी समर्थन दिल्यानंतर पक्षामधूनच टिका केली जाऊ लागल्यानंतर काही तासामध्येच घोष यांनी सोमवारी संध्याकाळी उत्तर बंगालमधील एका कार्यक्रमात बोलताना ही टिपणी केली.

घोष यांनी म्हटले की बंगालमधील कोणत्याही भागा बाबत कोणीही काहीही म्हटलेले नाही. उत्तर बंगालमधील लोक, जंगलमहलचे लोक 60-65 वर्षा पासून वंचित आहेत. ते अजूनही नोकरीसाठी दुसर्‍या राज्यांमध्ये जात आहेत. शिक्षण, वैद्यकिय उपचारासाठी बाहेर जात आहेत. जमिनीस्तरावर बदमाश संधीचा फायदा उठवत आहेत आणि लोकांना त्रास देत आहेत. परिणमत: या भागातील लोकांना वाटते की जर ते एकत्रीतपणे काम करतील तर कोणताही सुधार होणार नाही. यामुळे त्यांनी एका वेगळ्या राज्याची मागणी केली आहे.

घोष यांच्या जवळच्या सूत्रांनी सांगितले की राज्याच्या विभाजनावर मत मांडल्यानंतर त्यांना आपल्याच मतावर पडदा टाकावा लागला.

घोष यांनी शनिवारी एका कार्यक्रमात म्हटले होते की याची पूर्ण जबाबदारी मुख्यमंत्री ममता बॅनर्जीची आहे. स्वातंत्र्यांच्या 75 वर्षानंतर उत्तर बंगालमधील लोकांंना नोकरी, शिक्षण आणि आरोग्य सुविधांसाठी दुसर्‍या राज्यात कशामुळे जावे लागत आहे ? जंगलमहलमध्ये हीच स्थिती आहे आणि येथील महिलांना आजीविकासाठी साल वृक्ष आणि विडयाच्या पानांवर अवलंबून रहावे लागत आहे. त्यांना नोकरीसाठी ओडिशा, रांची आणि गुजरातमध्ये कशामुळे जावे लागत आहे. जर भाजपच्या खासदारांनी राज्य विभाजनाची मागणी केली आहे तर ती अयोग्य नाही.

घोष यांच्या टिपणीने राज्य भाजपामध्येसह पूर्ण राज्यात चर्चेला उधाण आले. केंद्रियमंत्री आणि अलीपुरद्वार जिल्ह्याचे खासदार जॉन बारलांच्या राज्य विभाजनाच्या मागणीला घोष यांनी पाठिंबा दिल्यानंतर भाजपमधूनच कडवा विरोध होऊ लागला. भाजपचे लॉकेट चॅटजी आणि राहुल सिन्हा सारख्या ज्येष्ठ नेत्यांनी या मुद्दावर घोषाना विरोध केला.

हुगलीचे खासदार लॉकेट चॅटर्जाींनी म्हटले की आम्हांला राज्याचे विभाजन कधीही नको आहे. बंगालची संस्कृती वेगळी आहे आणि आम्ही सदभावाने राहत आहोत व बंगाल आमच्यापैकी प्रत्येकला खूप प्रिय आहे.