12 वी परीक्षेचे मुळ गुणपत्रक वाटप

जालना,

कोविड -19 च्या प्रादुर्भावामुळे उद्भवलेल्या असामान्य परिस्थिती विचारात घेऊन 2020-21 या शैक्षणिक वर्षासाठी महाराष्ट्र राज्य माध्यमिक व उच्च माध्यमिक शिक्षण मंडळामार्फत आयोजित करण्यात आलेल्या व एप्रिल मे 2021 (इ 12 वी ) परीक्षेचा ऑनलाईन जाहीर झालेल्या विद्यार्थ्यांचे मुळ गुणपत्रक व नोव्हेंबर – डिसेंबर 2020 पुरवणी परीक्षेचे मुळ प्रमाणपत्र संबंधित जिल्हा नेहमीच्या वितरण केंद्रावर दि. 20 ऑगस्ट 2021 रोजी संबंधित कनिष्ठ महाविद्यालयांच्या प्रतिनिधींना वाटप करणे व पॅनल फॉर्म स्वीकारण्यात येणार आहे.

तसेच उपरोक्त साहित्य जिल्हा वितरण केंद्रावर स्वीकारताना कोविड -19 विषाणुचा प्रादुर्भाव विचारात घेता संबंधित कनिष्ठ महाविद्यालयांच्या प्रतिनिधीने सोशल डिस्टसिंगचे पालन करुन निकाल वाटपाच्या वेळी मंडळास सहकार्य करावे. तेव्हा सदर बातमी आपल्या लोकप्रिय स्थानिक वृत्तपत्रातुन प्रसिध्दीस देण्यात यावी असे विभागीय सचिव, औरंगाबाद विभागीय मंडळ, औरंगाबाद यांनी प्रसिध्दीपत्रकाद्वारे कळविले आहे.