भारतातील चार स्थळांना रामसर दर्जा मिळाला हे अभिमानास्पद : पंतप्रधान
नवी दिल्ली
भारतातील चार स्थळांना रामसर दर्जा मिळाला ही आपल्यासाठी अभिमानास्पद गोष्ट असल्याचे प्रतिपादन पंतप्रधान नरेंद्र मोदी यांनी केले आहे.
केंद्रीय पर्यावरण मंत्री भूपेंदर यादव यांनी केलेल्या टिवट संदेशांच्या मालिकेवर प्रतिक्रिया व्यक्त करताना पंतप्रधानांनी म्हटले आहे की, ‘ भारतातील चार स्थळांना रामसर दर्जा मिळाला ही आपल्यासाठी अभिमानास्पद गोष्ट आहे. नैसर्गिक अधिवासांचे तसेच वनस्पतींचे संरक्षण यांच्या माध्यमातून पृथ्वीची हिरवाई राखण्याची शतकानुशतकांची भारतीय परंपरा यामुळे पुन्हा एकदा अधोरेखित झाली आहे‘.
