प्रा.डॉ.सारिका क्षिरसागर यांचा नूतन विद्यालय खडक माळेगाव येथे सत्कार.

निफाड प्रतिनिधी–रामभाऊ आवारे

खडक माळेगाव-येथील नूतन विद्यालयात विद्यालयाच्या माजी विद्यार्थिनी प्राध्यापिका डॉ. सारिका क्षिरसागर यांचा पीएचडी संपादन केल्याबद्दल सत्कार करण्यात आला. प्रा.डॉ. सारिका क्षिरसागर यांनी ‘मॅरिटल ॲडजस्टमेंट,एक्सपेक्टशन्स फ्रॉम द लाईफ पार्टनर, पर्सनॅलिटी अँड अँड इमोशनल इंटेलिजन्स अमंग कपल्स विथ लव मॅरेज अँड कपल्स विथ अरेंज मॅरेज’या विषयावर सावित्रीबाई फुले पुणे विद्यापीठास प्रबंध सादर केला.या प्रबंधास त्यांना विद्यापीठाने मान्यता देऊन पीएचडी (विद्यावाचस्पती)ही पदवी जाहीर केली आहे.त्यांच्या या कामगिरीने नूतन विद्यालय खडक माळेगाव च्या शिरपेचात मानाचा तुरा रोवला गेला.विद्यालयात या मुळे सर्वांनी आनंद व्यक्त करत त्यांचा सहकुटुंब सत्कार करण्यात आला. विद्यालयाच्या मुख्यध्यापिका सौ रायते एम बी यांनी पुष्प,श्रीफळ,शाल देऊन प्रा.डॉ.सारिका क्षिरसागर यांचा सत्कार केला. नूतन प्रसारक संस्थेचे अध्यक्ष श्री देवराम नाना शिंदे, उपाध्यक्ष सुखदेव वामन रायते सर्व संचालक यांनी अभिनंदन केले.या प्रसंगी विद्यालयाचे शिक्षक,शिक्षिका,शिक्षकेतर कर्मचारी यांनी त्यांचे मनःपूर्वक अभिनंदन केले.