विरुष्काचे लेक ’वामिका’च्या फोटोंनी लावले नेटकर्‍यांना वेड
मुंबई प्रतिनिधी
12 जुलै
क्रिकेटर विराट कोहली आणि अनुष्का शर्माची काही फोटो सध्या व्हायरल झाले आहेत. यात हे जोडपे आपल्या मुलीसोबत मजेच्या मूडमध्ये दिसत आहे. अनुष्का शर्माने हा फोटो तिच्या इंस्टाग-ाम अकाऊंटवर शेअर केला आहे.
ही पोस्ट शेअर करत अभिनेत्री अनुष्काने सांगितले आहे की आता तिच्या आणि विराटच्या आयुष्यातील वामिकाला आता सहा महिने पूर्ण झाले आहेत. फोटोंमध्ये अनुष्का पिकनिक मॅटवर पडलेली दिसत आहे आणि वामिका तिच्यासोबत विश्रांती घेत आहे. यात अनुष्काने निळ्या रंगाच्या जीन्ससह गुलाबी शर्ट घातला.
सोशल मिडीयावर हा फोटो शेअर करत या अनुष्का शर्माने लिहिले की, ”तिचे एक हास्य आमचे संपूर्ण जग बदलू शकते, मला खात्री आहे की आम्ही दोघे त्या प्रेमाला खरे उतरू शकू, जितके प्रेम तू आम्हीला देतेयस, परी. आम्हा तिघांना 6 महिन्याच्या शुभेच्छा.”
विराट आणि अनुष्काला चाहते भरभरुन शुभेच्छा देत आहेत. त्यांचे हो फोटो सोशल मीडियावर व्हायरल झाले आहेत.
