यंदाच्या दिवाळीत अमृता फडणवीस यांचे सोनू निगमसोबत गाणे

मुंबई,

महाराष्ट्राचे माजी मुख्यमंत्री देवेंद्र फडणवीस यांच्या पत्नी अमृता फडणवीस यांचे आणखी एक गाणे यंदाच्या दिवाळीत येत आहे. यावेळी त्या गायक सोनू निगमसोबत गाताना दिसणार आहेत. टाईम्स म्यूझिक हब या कंपनीच्यावतीने हे गीत सादर केले जाणार आहे. अमृता यांनी आपल्या टिवटरवर गाण्याचे पोस्टर शेअर करुन ही माहिती चाहत्यांना दिली आहे.

अमृता फडणवीस यांचे गायन त्यांच्या राजकीय विरोधकांना आवडत नाही हे वारंवार दिसून आले आहे. तरीही त्यांना मिळणारे लाखो व्यूव्हज म्यूझिक कंपनीसाठी लाभदायक ठरतात. आता दिवाळीला येणार्‍या गाण्याची घोषणा त्यांनी केल्यानंतर त्यांना ट्रोल केले जात आहे. सोनू निगमवर कोणासोबत गाण्याची वेळ आली अशा प्रकारे टीकाही केली जात आहे. मात्र अमृता यांना माहिती आहे की आपल्या गाण्यावर टीका करणारे जसे लोक आहेत तसे चाहतेही आहेत.

यंदाच्या दिवाळीत येणार्‍या गाण्याचे शीर्षक आहे, ओम जय लक्ष्मी माता. सोनू निगम आणि अमृता फडणवीस यांच्या आवाजात हे गाणे ऐकायला मिळणार असून श्रेयस पुराणीक यांची या गाण्याला संगीत दिले आहे.