तीसरी लाट आणि नवरात्रीची गर्दी पाहता मुंबई महापालिकेने जारी केला अलर्ट

मुंबई,

भारतात कोरोनाच्या नवीन रुग्ण वाढीचा दर कमी झाला आहे. पण केरळमध्ये अजूनही कोरोनाचे रुग्ण वाढत आहेत. आरोग्य मंत्रालयाच्या आकडेवारीनुसार, देशात गेल्या 24 तासांत 22,431 नवीन प्रकरणे नोंदवली गेली आहेत, जी काल म्हणजेच बुधवारपेक्षा 19.1 टक्के अधिक आहेत. यासह, देशभरात संसर्ग झालेल्यांची एकूण संख्या आतापर्यंत 3,38,94,312 वर पोहोचली आहे. त्याचबरोबर, गेल्या 24 तासांमध्ये 318 कोविड रुग्णांचा मृत्यू झालाय.

लसीचे दोन्ही डोस घेतल्यानंतर, कोरोना व्हायरस डेल्टा व्हायरसच्या नवीन स्वरूपाच्या संसर्गाचा धोका देखील 50 ते 60 टक्के कमी होतो. इंपीरियल कॉलेज लंडनच्या संशोधकांनी त्यांच्या अभ्यासात हा दावा केला आहे.

देशाची आर्थिक राजधानी मुंबईत पुन्हा कोरोना रुग्णांची संख्या वाढत आहे. तिसरी लाट आणि सण लक्षात घेता, ँश्ण् ने खबरदारीचा उपाय म्हणून अलर्ट जारी केला आहे.

मुंबईत गेल्या वर्षीप्रमाणे यंदाही नवरात्रीमध्ये गरबा होणार नाही. बीएमसीने नवरात्रोत्सवाबाबत मार्गदर्शक तत्त्वे जारी केली आहेत. त्याचबरोबर बीएमसीने नवरात्रोत्सव साधेपणाने साजरे करण्याचे आवाहन केले आणि आरती, भजन, कीर्तन किंवा इतर धार्मिक उपक्रमांच्या वेळी गर्दी होऊ नये असे सांगितले.

आरोग्य मंत्रालयाच्या मते, गेल्या 24 तासांमध्ये देशभरात सक्रिय रुग्णांची संख्या 2,489 ने कमी झाली आहे. यासह, कोविड बाधित रुग्णांची संख्या 2,44,198 वर आली आहे. आरोग्य विभागाच्या म्हणण्यानुसार, 204 दिवसांनंतर, सक्रिय रुग्णांची संख्या इतकी खाली आली आहे.

त्याचबरोबर बुधवारच्या तुलनेत कोविडमुळे होणार्‍या मृत्यूंमध्ये वाढ झाली आहे. गेल्या एका दिवसात या साथीमुळे 318 रुग्णांना आपला जीव गमवावा लागला आहे. कोरोनामुळे मृतांची संख्या आता 4,49,856 वर पोहोचली आहे.

कोविड रुग्णांच्या पुनर्प्राप्तीचा राष्ट्रीय दर 97.95 टक्के आहे, जो मार्च 2020 नंतर सर्वाधिक आहे. केंद्रीय आरोग्य मंत्रालयाच्या मते, गेल्या 24 तासांत 24,602 रुग्ण बरे झाले आहेत. यासह, बरे झालेल्या रुग्णांची एकूण संख्या 3,32,00,258 वर पोहोचली आहे.

राष्ट्रीय राजधानी दिल्लीत कोविड संसर्गाचा दर 0.04 टक्के नोंदवला गेला आहे. दिल्लीमध्ये गेल्या एका दिवसात कोरोना संक्रमणाची 26 नवीन प्रकरणे समोर आली आहेत. आरोग्य विभागाने दिलेल्या माहितीनुसार, बुधवारी राष्ट्रीय राजधानीत कोविड -19 मुळे कोणत्याही रुग्णाचा मृत्यू झालेला नाही. आतापर्यंत ऑॅक्टोबर महिन्यात दिल्लीमध्ये संसर्गामुळे केवळ एका व्यक्तीचा मृत्यू झाला आहे. तर गेल्या महिन्यात कोविड साथीमुळे पाच रुग्णांना आपला जीव गमवावा लागला होता.

केंद्रीय आरोग्य मंत्रालयाच्या मते, 5 राज्यांतून 84.81% कोरोनाची नवीन प्रकरणे समोर आली आहेत. ज्यामध्ये जास्तीत जास्त 56.24% नवीन प्रकरणे केरळमधील आहेत. केरळमध्ये 12,616 आणि महाराष्ट्रात 2,876 नवीन प्रकरणे समोर आली आहेत. त्याचबरोबर मिझोरममध्ये 1,302 आणि तामिळनाडूमध्ये 1,432 नवीन रुग्णांची पुष्टी झाली आहे.

केरळमध्ये 24 तासांच्या आत या संसर्गामुळे 134 लोकांचा मृत्यू झाला आहे, तर महाराष्ट्रात 90 लोकांनी आपला जीव गमावला आहे. याशिवाय देशातील कोविड -19 लसीचे 92 कोटीहून अधिक डोस आतापर्यंत लोकांना देण्यात आले आहेत.