‘या’ मराठमोळ्या अभिनेत्रीला डेट करतोय धोनीच्या संघातील खेळाडू?

मुंबई,

आयपीएल 2021 मध्ये महेंद्रसिंह धोनी याच्या चेन्नई या संघातून खेळणार्‍या फलंदाज ॠतूराज गायकवाड यानं फार कमी वेळातच क्रीडा जगतामध्ये स्वत:चं स्थान कायम केलं. ऑॅरेंज कॅपवर वर्चस्व सांगत त्यानं आपल्या खेळाचं प्रमाण सर्वांना दिलं. ॠतूराज हा त्याच्या ऑॅनफिल्ड खेळासोबतच मैदानाबाहेरील कामगिरीसाठीही सध्या चांगलाच चर्चेत आला आहे.

मराठमोळी अभिनेत्री सायली संजीव हिच्याशी त्याचं नाव जोडलं जात आहे. सायली मराठी कलाविश्वात बर्‍यापैकी प्रसिद्धीझोतात असते. 1993 मध्ये धुळ्यात तिचा जन्म झाला. महाविद्यालयीन दिवसांपासूनच सायलीचा कल अभिनयाकडे होता. अनेक बक्षीसांच्या स्वरुपात तिच्या अभिनयाला दाद मिळत गेली.

‘काहे दिया परदेस’ या मालिकेनं सायलीला प्रेक्षकांच्या घरात आणि मनामनात स्थान मिळवून दिलं. मालिकांसोबतच तिनं चित्रपटांमध्येही भूमिका साकारल्या आहेत. कलाविश्वात सायलीची उल्लेखनीय कामगिरी सुरु असतानाच इथं तिच्या खासगी जीवनानं सार्‍यांच्याच नजरा वळवल्या.

क्रिकेटपटू ॠतूराज गायकवाड याच्यासोबतची मैत्री किंवा त्यापलीकडे असणार्‍या नात्यानं कायमत सायलीच्या नावाला क्रीडा जगतातही वाव दिला. अर्थात ॠतूराज किंवा खुद्द सायलीनं यावर कोणतंही अधिकृत वक्तव्य केलेलं नाही. पण, तरीही यांच्या नावांची चर्चा मात्र जोरदार सुरुये हेच खरं. सेलिबि-टी अर्थात कला जगत आणि क्रीडाविश्वाचं नातं जुळणं ही काही नवी बाब नाही. पण, मराठी कलाविश्वाचं क्रिकेटशी जोडलं जाणारं हे नातं नक्कीच खास असेल.