सिद्धार्थच्या मृत्यूनंतर शेहनाज गिलच्या वडिलांनी मुलीसाठी घेतला मोठा निर्णय

मुंबई,

अभिनेता सिद्धार्थ शुक्लाच्या मृत्यूला 14 दिवस झाले आहेत. मात्र अजूनही शेहनाज गिल या दु:खातून सावरलेली नाहीय. सिद्धार्थच्या अंत्यसंस्कारावेळी शेहनाजची जी छायाचित्रे समोर आली होती. ते पाहून चाहत्यांच्या मनात चर्र झालं होतं. शेहनाजची अवस्था पाहून सर्वांनाच तिची चिंता वाटत आहे. सिद्धार्थच्या जाण्याने शेहनाज एकटी पडली आहे. तिच्या वडिलांना तिची हि अवस्था पाहावत नाहीय. त्यामुळे त्यांनी एक मोठा निर्णय घेतला आहे.

सिद्धार्थ शुक्लावर वेड्यासारखं प्रेम करणारी शेहनाज त्याच्या जाण्याने स्वत:ला एकटं समजत आहे. सिद्धार्थच्या दु:खातून तिला सावरणं मोठं कठीण झालं आहे. शेहनाजचे वडील संतोख सिंह गिल यांनासुद्धा आपल्या मुलीची हि अवस्था पाहवत नाहीय. त्यामुळे शेहनाजच्या चेहर्‍यावर हास्य आणण्यासाठी ते सर्व प्रयत्न करत आहेत.

नुकताच संतोख यांनी शेहनाजला दिलासा देण्यासाठी आणि तिच्या चेहर्‍यावर हास्य आणण्यासाठी आपल्या हातावर शेहनाजच्या नावाचा टॅटू काढून घेतला आहे. त्यांनी काढलेल्या या टॅटूचा फोटो सध्या सोशल मीडियावर मोठ्या प्रमाणात व्हायरल होत आहे.

व्हायरल झालेल्या फोटोंमध्ये आपल्याला दिसून येत आहे, शेहनाजच्या वडिलांच्या हातावर जो टॅटू आहे, त्यामध्ये प्रार्थनेला जोडलेले दोन हात आहेत. शिवाय हातात गुलाबाचं फुल आहे. आणि त्यामध्ये शेहनाजचं नाव काढलेलं आहे.

मीडिया रिपोर्टनुसार, शेहनाज कोणाशीही बोलत नाही. शांत शांत बसलेली असते. या वेळेत सिद्धार्थची आई तिची संपूर्ण काळजी घेत आहे. तिला अजिबात एकटं राहू देत नाही.