माजी सैनिक व माजी सैनिकांच्या वारसांचा सत्कार

जालना,

जालना जिल्हयातील माजी सैनिक व माजी सैनिकांचे वारस ज्यांनी 1971 च्या बांग्लादेश युध्दात सक्रिय सहभाग घेतला होता असे माजी सैनिक,माजी सैनिकांचे वारस आपणास कळविण्यात येते की स्नेहालय स्वयंसेवी संस्था, अहमदनगर यांचे तर्फे बांग्लादेश युध्दास 50 वर्षे पुर्ण होत असल्यामुळे अहमदनगर किल्ला ते महात्मा गांधी आश्रम नौखाली बांग्लादेश दरम्यान सायकल रॅलीचे आयोजन केले आहे, 2 ऑक्टोबर 2021 ला 1971 बांग्लादेश युध्दात सहभागी झालेल्या अधिकार्‍यांचा,सैनिकांचा व त्यांच्या वारसांचा सत्कार करुन रॅली सुरु होणार आहे. औरंगाबाद, जालना, बुलडाणा, अमरावती, वर्धा, चंद्रपुर, नागपुर,भंडारा, गोंदीया या जिल्हयात रॅली पोहोचल्या नंतर नगर प्रमाणेच बांग्लादेश युध्दात सहभागी झालेल्या अधिकार्‍यांचा,सैनिकांचा व त्यांच्या वारसांचा सत्कार करण्याचे नियोजन आहे. तरी जालना जिल्हयातील माजी सैनिक व माजी सैनिकांचे वारस ज्यांनी 1971 च्या बांग्लादेश युध्दात सक्रिय सहभाग घेतला होता. त्यांनी आपल्या नावाची नोंद जिल्हा सैनिक कल्याण कार्यालय जालना येथे दिनांक 25 सप्टेंबर 2021 पयर्ंत करण्याचे आवाहन, जिल्हा सैनिक कल्याण अधिकारी, जालना यांनी प्रसिध्दीपत्रकाद्वारे केले आहे.