अग्रवाल महिला मंडळ व संमेलन तर्फे उद्या राखी सावन मेला

जालना प्रतिनिधी,

अग्रवाल महिला मंडळ आणि महाराष्ट्र राज्य अग्रवाल महिला संमेलन संचलित जालना जिल्हा शाखा यांच्या संयुक्त विद्यमाने राखी सणाच्या पार्श्वभूमीवर नागपंचमी दिनी शुक्रवारी ( ता. 13) रूपम हॉल येथे राखी सावन मेला एक्स्पो चे आयोजन करण्यात आले आहे.

सन, उत्सवाचे दिवस आता जवळ आले असून भाऊ- बहिणीच्या पवित्र नात्याचे प्रतीक असलेल्या रक्षाबंधन चे औचित्य साधत यंदाही अग्रवाल महिला संमेलन व मंडळातर्फे जालनेकरांना खरेदीसाठी सुसज्ज अशी दालने उपलब्ध करून दिली जाणार आहेत. छत्रपती शिवाजी महाराज पुतळा परिसरातील रूपम हॉल येथे शुक्रवारी सकाळी दहा वाजता या एक्स्पो चे उद्धाटन होईल.

विविध आकर्षक ,फॅन्सी राख्या,

रंगीबेरंगी कपडे, साडी, ड्रेसेस, ज्वेलरी, सौंदर्यप्रसाधने, सणांसाठी लागणारे सजावट साहित्य, अशी जीवनावश्यक वस्तूंची विविध दुकाने, तसेच खवय्यांसाठी खास खाद्यपदाथार्ंची मेजवानी मिळणार आहे. सदर मेळाव्यात औरंगाबाद-नगर ,जळगांव,मुंबई, गुजरात सह विविध ठिकाणांहून विक्रेते आकर्षक वस्तू घेऊन दाखल होतील तरी जालना शहर व जिल्ह्यातील नागरिकांनी या मेळाव्यात सहभागी होऊन खरेदीचा लाभ घ्यावा. असे आवाहन अग्रवाल महिला संमेलनाच्या जिल्हाध्यक्षा सौ .स्मिता मित्तल, सचिव डॉ. अनिता तवरावाला, कोषाध्यक्षा, ज्योती अग्रवाल, अग्रवाल महिला मंडळाच्या अध्यक्षा शोभा देविदान, सचिव सीमा पंच कोषाध्यक्षा शोभा अग्रवाल, प्रकल्प प्रमुख पद्मा पंच, इंदू निमोदिया, यांच्यासह पदाधिकारी व महिला सदस्यांनी केले आहे.