जडेजाकडून वॉनला जर्सी भेट

लंडन,

भारताचा अष्टपैलू रवींद्र जडेजाने इंग्लंडचा माजी कर्णधार मायकेल वॉनला त्याची कसोटी जर्सी भेट म्हणून दिली आहे. या जर्सीवर इंग्लंड दौर्‍यावर असलेल्या भारतीय संघातील सर्व सदस्यांनी स्वाक्षरीही केली आहे.

जडेजाने चॅरिटीसाठी ही जर्सी वॉनला गिफ्ट दिली आहे. या गिफ्टबद्दल जडेजाचे आभार मानण्यासाठी वॉनने आपल्या इन्स्टाग-ाम स्टोरीवर या जर्सीचा फोटो शेअर केला. त्याला‘चिअर्स रवींद्र जडेजा, यामुळे चॅरिटीला आता भरपूर पैसे मिळतील,’ अशी कॅप्शन दिली आहे. जडेजा हा इंग्लंडविरुद्ध सुरू असलेल्या कसोटी मालिकेसाठी भारतीय संघाचा भाग आहे.

32 वर्षीय जडेजाने मालिकेतील सर्व तीन कसोटी सामने खेळले आहेत. मात्र, चौथ्या कसोटीत त्याची निवड होणे कठीण मानले जात आहे. लीडमध्ये खेळल्या गेलेल्या तिसर्‍या कसोटी सामन्यादरम्यान, गुडघ्याला दुखापत झाल्याने त्याला रुग्णालयात नेण्यात आले. नंतर खबरदारी म्हणून स्कॅनही करण्यात आले. 2 सप्टेंबरपासून भारत-इंग्लंडमध्ये चौथी कसोटी खेळली जाईल.