काबुल विमानतळावर 2 मोठे बॉम्बस्फोट, 11 जणांचा मृत्यू
काबुल,
तालिबानच्या कब्जानंतर आता काबुल विमातळावर दोन मोठे स्फोट झाल्याची माहिती मिळाली आहे. आणखी स्फोट होण्याची भीती फ्रान्स आणि अमेरिकेनं व्यक्त केली आहे. तर या स्फोटात अमेरिकेचे 3 सैनिक जखमी झाल्याची माहिती मिळाली आहे. या स्फोटात 11 जणांचा मृत्यू झाला आहे. या स्फोटोत अनेक लोक जखमी झाल्याची शंका व्यक्त केली जात आहे. काबुल विमानतळावरील एन्ट्री गेटजवळ हा भीषण स्फोट झाला आहे.
काबूल विमानतळावर भीषण स्फोटानंतर नागरिकांची धावपळ चालू झाली. हा आत्मघातकी हल्ला असल्याचा संशय व्यक्त केला जात आहे. हा हल्ला नेमका कोणी घडवून आणला याची माहिती अद्याप समोर आली नाही. हल्ल्याची माहिती मिळताच एकच गोंधळ उडाला. मिळालेल्या माहितीनुसार काबुल विमानतळावर 2 स्फोटांचे आवाज आले असून 15 लोक जखमी असल्याची प्राथमिक माहिती मिळाली आहे.
या स्फोटात किती नुकसान झालं याची अद्याप माहिती मिळालेली नाही. शिवाय जीवितहानी किती झाली याची आकडेवारी अजून हातात आलेली नाही. मात्र अनेक जण गंभीर जखमी झाल्याची शक्यता व्यक्त केली जात आहे. हे फोटोपाहून स्फोटाची भीषणता किती असेल याचा अंदाज येऊ शकतो.
