नेहा धुपियानं पुन्हा दिली गोड बातमी; दुसर्‍यांदा होणार आई
मुंबई प्रतिनिधी
19 जुलै
बॉलिवूड अभिनेत्री नेहा धुपिया पुन्हा गोड बातमी देण्यासाठी सज्ज आहे. तिने पती अंगद आणि मुलगी मेहरसोबतचा एक फोटो शेअर करत दुसर्‍यांदा आई होणार असल्याची बातमी चाहत्यांसोबत शेअर केली. या फोटोत नेहा धुपियाचा बेबी बंप स्पष्टपणे दिसत आहे. अंगद आणि मेहरही नव्या पाहुण्याच्या स्वागतासाठी आनंदी दिसत आहे. परिणामी चाहत्यांनी देखील या फोटोवर प्रतिक्रिया देत तिच्यावर शुभेच्छांचा वर्षाव केला आहे.
नेहाने इन्स्टाग-ामवर फोटो शेअर करत ही आनंदाची बातमी दिली. या फोटोला काय कॅप्शन देऊ कळत नाही. आम्ही खूप विचार केला, अन्… शेवटी सर्वात चांगलं वाटतं ते हेच.. देवा तुझे खूप खूप आभार अशा आशयाचं कॅप्शन नेहाने या फोटोवर दिलं आहे.
नेहा धुपिया कधीकाळी बॉलिवूडमधील सर्वात ग्लॅमरस अभिनेत्रींपैकी एक म्हणून ओळखली जायची. मॉडलिंगमधून करिअरची सुरुवात करणारी नेहा 2002 साली मिस इंडिया ही सौंदर्य स्पर्धा जिंकून पहिल्यांदा प्रकाशझोतात आली होती. तिने कयामत या चित्रपटातून आपल्या फिल्मी करिअरची सुरुवात केली होती. नेहाने 10 मे 2018 रोजी अंगद बेदीशी लग्न केले. त्यांना मेहेर नावाची एक मुलगी आहे अन् आता हे कपल दुसर्‍या बाळाचं स्वागत करण्यासाटी सज्ज आहे.
