प्रेक्षकांची प्रतीक्षा संपली; केजिएफ-2 ’या’ दिवशी रिलीज होणार

मुंबई,

कोरोना महामारीमुळे ’केजीएफ 2’ चित्रपटाची रिलीज डेट सतत पुढे ढकलण्यात येत होती. प्रेक्षक मात्र या चित्रपटाची आतुरतेने वाट पाहत आहेत. मात्र प्रेक्षकांची प्रतीक्षा संपली आहे. कारण बर्‍याच काळानंतर बहुप्रतिक्षित चित्रपट ’केजीएफ 2’ ची रिलीज डेट सर्वांसमोर आली आहे. कन्नड सुपरस्टार यश याने स्वत: आपल्या टिवटर अकाऊंटवर एका पोस्टद्वारे ही माहिती दिली आहे. रिलीज डेट समोर आल्यानंतर चाहत्यांमध्ये चित्रपटाविषयीची उत्सुकता आणखी वाढली आहे.

यशने सोशल मीडिया पोस्ट शेअर करून चित्रपटाचे नवीन पोस्टर आणि रिलीज डेट चाहत्यांसोबत शेअर केली आहे. यशने त्याच्या पोस्टमध्ये लिहिले आहे की, ’आजच्या अनिश्चिततेमुळे आमच्या संकल्पनेला उशीर होईल. मात्र जसं वचन दिलं होतं, त्या प्रमाणे होईल. आम्ही 14 एप्रिल 2022 रोजी चित्रपटगृहात येणार आहोत. यशची ही पोस्ट सोशल मीडियावर येताच व्हायरल झाली आहे.