धरणगावात वादळी वाऱ्यासह जोरदार पाऊस

प्रतिनिधी – हर्षल चौहान, धरणगाव

दि.24 धरणगावात वादळी वाऱ्यासह अवकाळी पावसाने जोरदार हजेरी लावली. यामुळे शेतीचे पुन्हा एकदा नुकसान झाले आहे. धरणगाव येथे वादळी वाऱ्यामुळे झाड आणि विजेचे खांब कोसळले. पावसामुळे अनेक ठिकाणचा वीज पुरवठा खंडीत झाला होता.धरणगाव येथे दुपारी तीन वाजेच्या दरम्यान वादळी वाऱ्यासह जोरदार पाऊस झाला. मोठा माळीवाडा, रामलीला चौक या ठिकाणी झाड कोसळले. ही झाडे नेमकी वीज खांबावर कोसळली. यामुळे मोठ्या प्रमाणावर शॉर्ट सर्किट झाल्याने या भागातील नागरिकांच्या घरातील फ्रीज, टीव्ही यांचे मोठ्या प्रमाणावर नुकसान झाले आहे.एक झाड चारचाकी वाहनावर आदळले. सुदैवाने जीवित हानी झाली नाही. या ठिकाणी वीज पुरवठा खंडित करण्यात आलेला होता. त्यामुळे नागरिकांना उकाडा सामोरे जावे लागले.