टायगर गृप धरणगांव च्या वतीने पूरग्रस्तांसाठी ‘एक हात मदतीचा’
धरणगाव प्रतिनिधी- हर्षल चौहान.
नुकतेच काही दिवसांपूर्वी सांगली, कोल्हापूर भागाकडे झालेल्या अतिवृष्टी पावसामुळे पूर आल्याने अनेक कुटुंब उध्वस्थ झाली आहेत. अनेकांचे बळी देखील गेले आहेत. या परिस्थितीत तेथील नागरिकांना अन्न व पाण्याची गरज असल्याने महाराष्ट्र भरातून मदतीचा हात पुढे करण्यात येत असून पूरग्रस्तांना टायगर गृप देखील संपूर्ण महाराष्ट्रातून मदत करीत आहे. याचीच जाणीव ठेवत धरणगांव च्या टायगर ग्रुप च्या वतीने ‘एक हात मदतीचा’ म्हणून टायगर गृप राष्ट्रीय अध्यक्ष पै.डॉ.तानाजी भाऊ जाधव यांच्या आदेशानुसार पुरग्रस्तांना पाणी बॉटल व बिस्किट पुड्यांचे खोके पाठविण्यात आलेत. प्रसंगी धरणगांव टायगर गृपचे सदस्य कृष्णा सुतार, अक्षय राजपुत, चेतन पाटील, कन्हैया पाटील यांच्या तर्फे थोडीफार मदत म्हणून काही सामग्री रवाना करण्यात आलेली आहे.टायगर गृपच्या या उपक्रमाबद्दल शहरात सर्वत्र कौतुक केले जात आहे.
