दसनुर येथील रुचिका चौधरी यांची नियुक्ति….
बलवाड़ी प्रतिनिधि – (आशिष चौधरी)
सविस्तर वृत्त असे की एच.आर.पटेल फार्मसी महाविद्यालयाची विद्यार्थिनी रुचिका संजय चौधरी हिची नुकतीच कवयित्री बहिणाबाई चौधरी उत्तर महाराष्ट्र विद्यापिठाच्या अभ्यास मंडळावर निमंत्रित सदस्य म्हणून नियुक्ति करण्यात आली आहे. एप्रिल-मे २०२० मध्ये घेण्यात आलेल्या परीक्षेमध्ये रुचिका हीने ८.७७ ग्रेड पांइंट मिळवून विद्यापीठात पहिला क्रमांक पटकावत सुवर्ण पदकाचा मान मिळवला होता. २०१६ च्या विद्यापीठ अधिनियम कार्यानुसार विद्यापीठाकडून तिची ही नियुक्ति करण्यात आली. नियुक्तिबद्दल तिचे संस्था अध्यक्ष तथा माजी मंत्री आ. अमरिशभाई पटेल, नगराध्यक्षा सौ. जयश्रीबेन पटेल, कार्याध्यक्ष तथा उपनगराध्यक्ष भूपेशभाई पटेल, उद्योगपति चिंतनभाई पटेल, उपाध्यक्ष राजगोपाल भंडारी, सचिव प्रभाकरराव चव्हाण, माजी कुलगुरु डॉ. एस. बी. बारी यांनी कौतुक केले.
