अविश्वसनीय प्रवास वीस ग्रँडस्लॅम थांबणार नाही – जोकोविच

लंडन प्रतिनिधी

12जुलै  

मागील दहा वर्षा पासून सुरु असलेला हा अविश्वसनीय प्रवास 20 ग्रँडस्लॅममवर थांबणार नसून माझे लक्ष्य जास्तीत जास्त कप जिंकण्यावर आहे असे मत जागतीक पुरुष क्रमवारीते क्रमांक एकचा सर्बियाचा खेळाडू नोवाक जोकोविचने व्यक्त केले.

जोकोविचने रविवारी इटलीच्या मातोओ बेरेटिनीला पराभूत करुन सहाव्यांदा विंबलडनचा कप आणि करीअरमधील वीसावा ग्रँडस्लॅम जिंकला आहे. त्याने याच बरोबर रॉजर फेडरर आणि राफेल नडालची बरोबरी साधली आहे.

जोकोविचने सामन्यानंतर म्हटले की ज्यावेळी मी पहिल्यांदा शीर्ष दहामध्ये पोहचलो होतो त्यावेळी फेडरर आणि नडालच्या विरुध्द अनेक मोठे सामने हरलो होतो परंतु मागील दहा वर्षाचा अविश्वसनीय प्रवास हा समाप्त होणार नाही. विंबलडन हे सतत माझ्या मनाच्या जवळ राहिले आहे आणि याला जिंकणे लहानपणा पासूनचे स्वप्न होते.

त्याने म्हटले की विंबडलन जिंकणे माझे लहानपणा पासूनचे सततचे स्वप्न राहिले होते आणि मला माहिती आहे की हे किती विशेष आहे. मी याला सहजपणे घेऊ इच्छित नाही. ज्यावेळी मी सात वर्षाचा होतो तर विंबलडन ट्रॉफीचे डिझाईन माझ्या खोलीत ठेवत होतो आणि आता मी सहाव्यांदा याला जिंकले जे अदभूत आहे.

जोकोविचने म्हटले की मी फेडरर आणि नडाल जे आमच्या खेळाचे लेजेंड आहेत त्यांचा आभारी आहे. त्यांनी माझ्या करीअरमध्ये महत्वाची भूमिका निभावली. त्यांनी मला जाणिव करुन दिली की मला मानसिक, शारिरीक व रणनीतिकपणे कोठे सुधार करायचा आहे.