मोटरसायकल घसरून ४५ वर्षीय इसमाचा मृत्यू

पारोळा प्रतिनिधी –

पारोळा धरणगाव रस्त्यावरील उत्रड फाट्याजवळ ४५ वर्षीय इसमाचा मोटरसायकल घसरून मृत्यू झाला.संजय काशिनाथ चौधरी वय ४५ रा.शेवडी गल्ली (पारोळा) असे मृत इसमाचे नाव आहे.ही घटना बुधवारी सायंकाळी पाचच्या सुमारास घडली.
मयत संजय चौधरी हे एका हॉटेलवर काम करीत असून ते मालकाचा उधारीचे पैशे घेण्यासाठी तालुक्यातील धाबे येथे गेले होते,घरी परतांना रस्त्यात उत्रड फाट्याजवळ मोटरसायकल एमएच १९ इजे ६६६४ वरून त्यांचा ताबा सुटून खाली पडल्याने गंभीर दुखापत झाली. त्यांना पारोळा कुटीर रुग्णालयात दाखल केले असता वैद्यकीय अधिकाऱ्यांनी तपासून मृत घोषित केले.याबाबत पारोळा पोलिसांत अपघाताची नोंद करण्यात आली आहे.