आयपीएल च्या पुढील हंगामात केएल राहूल या संघाचा असू शकतो कर्णधार

मुंबई,

महेंद्रसिंह धोनीच्या नेतृत्वाखाली सिएसके ने आयपीएल 2021 जिंकले. आता पुढील हंगाम सुरू होण्यापूर्वी एक मेगा लिलाव होईल ज्यानंतर सर्व संघ पूर्णपणे बदलतील. विशेष म्हणजे पुढील आयपीएलपासून अहमदाबाद आणि लखनऊ हे दोन संघही आयपीएलचा भाग असणार आहेत. अशा परिस्थितीत या संघांमध्येही मोठे खेळाडू पाहायला मिळतील. पण याच दरम्यान पंजाब किंग्जचा कर्णधार केएल राहुलबद्दल एक मोठी बातमी समोर आली आहे.

पुढच्या वर्षी केएल राहुल पंजाब किंग्जसोबत खेळणार नसल्याची बातमी समोर आली आहे. त्यामुळे पंजाबला बर्‍याच कालावधीनंतर नवा कर्णधार मिळणार आहे. खरं तर, पंजाब किंग्जचे सह-मालक नेस वाडिया यांनी एका निवेदनात सूचित केले आहे की त्यांची टीम पुढील वर्षी केएल राहुलला वगळू शकते. एका टीव्ही चॅनलशी बोलताना वाडिया म्हणाले, ’मी सांगू इच्छितो की केएल राहुलशिवाय इतरही अनेक खेळाडू आहेत. एक खेळाडू कधीही संघ बनवत नाही. प्रत्येक खेळाडूचे मूल्य असते. एका खेळाडूवर जास्त अवलंबून असलेला कोणताही संघ एका क्षणी ओझे ठरतो.

अशा परिस्थितीत पुढील वर्षी होणार्‍या मेगा लिलावात केएल राहुलच्या नावावरही बोली लावली जाणार आहे. राहुलला आपल्या संघात सामील करून घेण्यासाठी इतर काही संघांनीही थेट बोलणी केल्याचेही अहवालात कळते. केएल राहुलच्या बॅटने यंदाही आयपीएलमध्ये धुमाकूळ घातला. या मोसमात त्याच्या बॅटने 13 सामन्यात 62.6 च्या सरासरीने 626 धावा केल्या आहेत. मोसमातील ऑॅरेंज कॅपही त्याने दीर्घकाळ कायम ठेवली.

प्रत्येक हंगामात 500 पेक्षा जास्त धावा

केएल राहुलने पंजाबसाठी प्रत्येक मोसमात 500 हून अधिक धावा केल्या आहेत. 2018 पासून तो या संघाशी संबंधित आहे आणि तेव्हापासून प्रत्येक हंगामात राहुलने भरपूर धावा केल्या आहेत. राहुलने 2018 मध्ये 659 धावा, घ्झ्थ् 2019 मध्ये 593 धावा, 2020 च्या हंगामात 670 धावा आणि यावर्षी 626 धावा केल्या आहेत. पण तो एकदाही आपल्या संघाला प्लेऑॅफमध्ये नेऊ शकला नाही.

या संघांचा कर्णधार होऊ शकतो

केएल राहुल हा उत्तम फलंदाज असण्यासोबतच एक चांगला कर्णधारही आहे. अशा परिस्थितीत 2022 च्या लिलावात अनेक संघ त्याचा समावेश करण्याचा प्रयत्न करतील. सध्या आयपीएलमध्ये तीन संघ आहेत ज्यांचा राहुल पुढचा कर्णधार होऊ शकतो. यामध्ये अहमदाबाद आणि लखनौच्या संघाचे नाव ठळकपणे पहिले असेल. या दोन्ही संघांना राहुलचा समावेश करायचा आहे. याशिवाय आरसीबी राहुलला त्यांचा नवा कर्णधार बनवू शकतो. कारण त्यांचा कर्णधार विराट कोहली पुढील वर्षी कर्णधार म्हणून खेळणार नाहीये.