श्रमजीवी संघटनेच्या माध्यमातून टाकेहर्ष येथे रेशन कार्ड वाटप

त्र्यंबकेश्वर (प्रतिनिधी):

तालुक्यातील टाकेहर्ष येथे श्रमजीवी संघटनेच्या माध्यमातून रेशन कार्ड वाटप करण्यात आले आहे.
टाकेहर्ष येथील आदिवासी बांधव रेशन कार्ड पासुन वंचित होते.श्रमजीवी संघटनेच्या प्रयत्नातून येथील 200 गरजूंना पिवळे व केशरी रेशन कार्डचे वाटप केले आहे.रेशन कार्ड मिळाल्याने आदिवासी बांधवांनी समाधान व्यक्त केले.यावेळी श्रमजीवी संघटनेचे नवीन सभासद करण्यात आले.

श्रमजीवी संघटनेचे जिल्हा युवा कार्याध्यक्ष संतोष निरगुडे, जिल्हा प्रसिद्धी प्रमुख अंकुश मधे, जिल्हा उपाध्यक्ष शिवाजी दराणे, कातकरी प्रमुख नवसू गारे, काशीनाथ निरगुडे, पांडुरंग पालवे,लक्ष्मण खाडे आदी उपस्थित होते.