टीम इंडियाच्या या खेळाडूकडे शेवटची संधी, अन्यथा संघामधून होणार बाहेर

मुंबई,

टीम इंडियाने टी-20 विश्वचषकाच्या पहिल्या सराव सामन्यात इंग्लंडचा 7 गडी राखून पराभव केला. हा सामना पाहिल्यानंतर अनेक गोष्टी स्पष्ट झाल्या आहेत. भारताच्या काही खेळाडूंनी चमकदार कामगिरी करून प्लेइंग 11 साठी आपला मजबूत दावा सादर केला आहे. त्याचबरोबर काही खेळाडू असे होते ज्यांच्या खराब कामगिरीमुळे त्यांच्यासाठी अडचणी निर्माण झाल्या आहेत आणि या खेळाडूंचा पत्ता विश्वचषकातून कापला जाऊ शकतो.

या खेळाडूसाठी धोक्याची घंटा

टीम इंडियाचा सर्वात अनुभवी गोलंदाज भुवनेश्वर कुमारसाठी अडचणी वाढत आहेत. भुवी त्याच्या जुन्या लयमध्ये नाही. इंग्लंडविरुद्धच्या पहिल्या सराव सामन्यात बि-टिश खेळाडूंनी त्याच्या बॉलिंगवर चांगले रन काढले. भुवनेश्वरने 4 ओव्हरमध्ये 54 धावा दिल्या. यादरम्यान त्याला एकही विकेट मिळाली नाही. भुवनेश्वरच्या या खराब कामगिरीनंतर तो टीम इंडियाच्या प्लेइंग इलेव्हनमध्ये स्थान मिळवण्यापासून बाहेर होऊ शकतो.

ऑॅस्ट्रेलिया विरुद्ध शेवटची संधी

आता टीम इंडियाचा दुसरा सराव सामना उद्या म्हणजेच बुधवारी ऑॅस्ट्रेलियाशी होईल. या सामन्यातील भुवनेश्वरची कामगिरी जरी खराब राहिली तरी त्याला संघातून हद्दपार करणे निश्चित आहे. आपल्याला सांगू की नुकत्याच संपलेल्या आयपीएलच्या दुसर्‍या लेगमध्येही भुवीच्या चेंडूंमध्ये स्विंग नव्हता. स्लॉग ओव्हर्समध्ये भुवनेश्वर कुमार खराब स्थितीत आहे. भुवनेश्वर दहा धावा प्रति ओव्हरला देत आहे. एवढेच नाही तर भुवीचा वेगही कमी झाला आहे.

हा खेळाडू जागा घेण्यास तयार

जर भुवीला संघातून वगळण्यात आले तर शार्दुल ठाकूर या संघात त्याचे स्थान घेण्यास तयार आहे. शार्दुलची कामगिरी गेल्या काही काळापासून आश्चर्यकारक राहिली आहे. विकेट घेण्याबरोबरच तो फलंदाजीनेही हिट असल्याचे सिद्ध होत आहे. आयपीएलमध्येही सीएसकेच्या विजयात शार्दुलचा मोठा हात होता. अशा स्थितीत अशा महान खेळाडूला संघाबाहेर ठेवणे हा प्रश्न निर्माण करतो.

टी-20 विश्वचषकात भारत आणि पाकिस्तान यांच्यात 5 सामने झाले आहेत, ज्यात आजपर्यंत पाकिस्तान जिंकण्यात अपयशी ठरला आहे. 24 ऑॅक्टोबर रोजी दोन्ही संघ दोन वर्षांनंतर एकमेकांसमोर येतील. शेवटच्या वेळी 2019 मध्ये एकदिवसीय विश्वचषकात भारत आणि पाकिस्तान यांच्यात सामना झाला होता, ज्यामध्ये भारताने पाकिस्तानला मोठ्या फरकाने पराभूत केले होते. एकदिवसीय विश्वचषकातही भारताची धार पाकिस्तानवर जड झाली आहे. गेल्या 7 सामन्यात पाकिस्तानला पराभवाचा सामना करावा लागला आहे.