इफेक्ट महाराष्ट्र सारथी – -तामसवाडी ग्रामपंचायत घेत आहे जनसामान्यांच्या आरोग्याची काळजी.

तामसवाडी ता.रावेर प्रतिनिधि दि.२९/०९/२०२१ – ( राजेश वसंत रायमळे )

तामसवाडी ता.रावेर येथील ग्रामपंचायत मार्फत गावातील रस्त्यांची साफसफाई करून जनसामान्यांच्या आरोग्याची कळजी घेतली जात आहे.
याबाबत सविस्तर वृत्त असे की,दैनिक महाराष्ट्र सारथी मध्ये काही दिवसांपूर्वीच तामसवाडी ता.रावेर येथे घाणीचे साम्राज्य डासांचा सुळसुळाट या मथळ्याखाली बातमी प्रसिद्ध झालेली होती,तेव्हा याबाबत त्वरित दखल घेत येथील ग्रामपंचायत मार्फत रस्त्यांच्या दुतर्फा असलेले झाडे झुडपं कापुन,साचलेला घनकचरा साफसफाई केली,तसेच जागोजागी खड्डयांमध्ये पाणी साचलेले असून ते बुजवून गावामध्ये लवकरात लवकर डासांची पैदास रोखणेकामी औषध फवारणी करण्यात येणार अशी माहीती प्राप्त झाली.इफेक्ट महाराष्ट्र सारथी मुळे जे.सी.बी.लावून साफसफाई करते वेळी ग्रामपंचायत सदस्य, माजी उपसरपंच, रोजगार सेवक तसेच गावातील काही स्वयंसेवक कार्यकर्ते उपस्थित होते.