आता ऐटीएम मधून मिळणार औषधं; देशातील सहा हजार ब्लॉकमध्ये सुविधा मिळणार

मुंबई,

बँका जरी बंद असल्या तरी आपण एटीएमच्या माध्यमातून कुठेही आणि कधीही पैसे काढू शकतो. याच प्रकारची व्यवस्था आता औषधांच्या बाबतीतही सुरु होणार असून आता एटीएममधून औषधं मिळणार आहेत. देशातील प्रत्येक ब्लॉकमध्ये औषधांचं हे मशीन बसवण्यात येणार असून त्यामुळे दुर्गम भागात राहणार्‍या नागरिकांना आता 24 तास ओषधं उपलब्ध होणार आहेत.
देशामधल्या एकूण सहा हजार ब्लॉकमध्ये असं औषधांचं मशीन बसवण्यात येणार आहे. डॉक्टरांनी दिलेली प्रिस्क्रिप्शनची चिठ्ठी या मशीनमध्ये टाकल्यानंतर ही औषधं उपलब्ध होऊ शकणार आहेत. केंद्र सरकारच्या कॉमन सर्व्हिस सेंटर आणि आंध- प्रदेशमधील अढचन या संस्थेमध्ये अशा प्रकारचा करार झाला आहे.
केंद्र सरकारच्या कॉमन सर्व्हिस सेंटरच्या मार्फत या आधीपासूनच ब्लॉक स्तरावर अयूर संजिवनी केंद्र सुरु आहेत. या केंद्रावर आता ही औषधांची एटीएम बसवण्याच्या निर्णय केंद्र सरकारने घेतला आहे. गर्भधारणा, कोरोना तपासणी, ऑॅपरेशन संबंधी औषधं आणि इतर अनेक वैद्यकीय उपकरणं आणि इतर प्रकारची औषधं या एटीएममधून मिळणार आहेत. तसेच कॉमन सर्व्हिस सेंटरच्या माध्यमातून ग-ामीण उद्योजकांना पुढील महिन्यापासून या संदर्भात प्रशिक्षण देण्यात येणार आहे.
ब्लॉक स्तरावर बसवण्यात येणार्‍या या एटीएममधून शक्यतो जेनेरिक औषधं ठेवण्यात येण्याची शक्यता आहे. या एटीएमना ई-कॉमर्स कंपन्यांकडून औषधांचा पुरवठा केला जाणार आहे. अशा प्रकारची व्यवस्था ही ग-ामीण आणि दुर्गम भागातील नागरिकांना डोळ्यासमोर ठेऊन सुरु करण्यात येत आहे. त्यामुळे नागरिकांना आता पैशाप्रमाणे औषधंही 24 तास उपलब्ध होणार आहेत.