19 सप्टेंबरला जन्मलेल्या लोकांचा भविष्य

स्वभाव : तुमच्या जन्मतारखेवर मंगळ, बुध व सुर्याचा दुहेरी प्रभाव आहे. तुमचे व्यक्तीमत्व रूबाबदार असते. कुणावरही तुमची चटकन छाप पडते. तुमची बुध्दी अतिशय तल्लख आहे. कुठलाही कठीण विषय तुम्ही झपाट्याने आत्मसात करू शकता. प्रत्येक क्षेत्रात अग-भागी राहणे तुम्हाला आवडते. नेतृत्वाचे गुण तुमच्या अंगी जन्मजात असतात. तुमच्या उत्साहामुळे इतरांनाही स्फूर्ती मिळते. भ-ष्टाचार तुम्हाला खपत नाही. समाजाची उभारणी काही विशिष्ट नीतिमूल्यांवर व्हावी, आदर्श लोकापुढे असावेत म्हणून तुम्ही प्रयत्न करता.

अस्मितेचे रूपांतर अहंकारात होऊ देऊ नका. सर्व काही आपल्यालाच समजते हा भ-म मनातून काढून टाका. जरूर पडेल तेथे तज्ज्ञांचा, विशेषज्ञांचा सल्ला जरूर घ्या. अति बौध्दिक श्रम, जागरणे यामुळे डोळे, मेंदू व हृदयाचे विकार होतील. काम व आराम यात समतोल साधायला शिका.

कार्यक्षेत्र : प्रचार मोहिमांचे नेतृत्व करणारे प्रसिध्दी प्रमुख वा जनसंपर्क अधिकारी या पदावर उत्तम काम कराल. कार्यक्षमता उंचावण्याचे कसब अंगी असल्याने व्यवस्थापक पदापासून सुरूवात करून संचालक मंडळापर्यंत सहज वाटचाल होईल. केंद्र शासनात, राज्य शासनात सहज प्रवेश मिळेल. नाटक, चित्रपट, दूरदर्शन क्षेत्रात लेखक, दिग्दर्शक अभिनेता, छायाचित्रकार, निर्माता म्हणून आपला जम बसवू शकाल.

प्रणयी जीवन : चारचौघात उठून दिसेल व लोकांचे लक्ष्य वेधून घेईल. असा जीवनाचा जोडीदार तुम्हाला हवा असतो. रूपसौंदर्याला देखणेपणाला तुम्ही महत्व देता. आपला जिवलग उत्साही, दिलदार सहृदय अंत:करणाचा असावा अशी तुमची अपेक्षा असते. आपल्या समाजकार्याला, ज्ञानप्रबोधनाला साथ द्यावी असेही वाटते. नोव्हेंबर 23 ते डिसेंबर 20 दरम्यानच्या व्यक्तींशी संवाद साधाल.

वर्षफळ : बौध्दिक क्षेत्रात आपल्या व्यक्तिमत्वाचा ठसा उमटवाल. प्रचारमोहिमा, प्रसिध्दी या क्षेत्रात शिरकाव होईल. ऑक्टोबर नोव्हेंबर मध्ये कुटुंबासमवेत प्रवास करण्याची सवलत मिळेल. डिसेंबर जानेवारी मध्ये मुलांच्या संगत सोबतीवर नजर ठेवा. फेब-ुवारी मार्च मध्ये भाऊबंदकीच्या कटकटी निर्माण होतील. एप्रिल मे मध्ये प्रशिक्षणाची संधी मिळाल्यास जरूर लाभ घ्या. जुलै ऑगस्ट मध्ये तेजस्वी व्यक्तीमत्व म्हणून प्रसिध्दी मिळेल.

महत्वाचे वर्ष : 1, 10, 19, 28, 37, 37, 46, 55, 64.

भाग्यरत्न : माणिक