महेंद्रसिंह धोनीची हटवलेली ‘ब्लू टीक’ टिवटरने पुन्हा बहाल केली

मुंबई प्रतिनिधी

5 ऑगस्ट

भारतीय क्रिकेट संघाचा कॅप्टनकूल अर्थात माजी कर्णधार महेंद्र सिंह धोनीचे देशभरात असंख्य चाहते आहेत. आयपीएलमध्ये धोनी चेन्नई सुपर किंग्ज या संघाचे नेतृत्त्व करतो. त्यामुळे धोनीने आंतराराष्ट्रीय क्रिकेटमधून निवृत्ती घेतली असली तरी त्याच्यासंदर्भात कायम चर्चा होत असते. पण अशातच चर्चेत असणार्‍या धोनीला टिवटरने धक्का दिला आहे.

धोनीची ब्लू टीक टिवटरने हटवली होती. टिवटरने धोनीची ब्लू टीक काढल्यामुळे अनेकांच्या भुवया उंचावल्या होत्या. कारण टिवटरवर धोनीचे जवळपास 80 लाखांच्यावर फॉलोअर्स असल्यामुळे टिवटरने नेमकी कोणत्या कारणामुळे धोनीची ब्लू टीक हटवली याचे कारण अद्याप गुलदस्त्यात आहे. पण आता टिवटरने धोनीला ब्लू टीक पुन्हा बहाल केली आहे.

ब्ल्यू टिक असलेले अकाऊंट हे वेरिफाईड आणि ऑॅथेनटिक समजले जाते. टिवटरकडून नामवंत व्यक्तींच्या अकाऊंटला ब्ल्यू बॅज दिला जातो. गेल्या काही दिवसांपूर्वी टिवटरने भारतातील मोठ्या नेत्यांच्या अकाऊंटची ब्ल्यू टिक हटवली होती.

दरम्यान, धोनी टिवटरवर सुरूवातीला टिवटरवर सक्रीय असलेला पाहायला मिळायचा. पण 2018 नंतर त्याने टिवट करणे कमी केले. मागील वर्षी धोनीने सोशल माध्यामांवरून आपल्या निवृत्तीची घोषणा केली होती.